काठमाडौं । सरकारले आगामी आर्थिक वर्षको नीति तथा कार्यक्रमलाई स्वीकृत गरेको छ ।

मन्त्रिपरिषद्को आज सोमबार बसेको बैठकले राष्ट्रपति रामचन्द्र पौडेलद्वारा आज संघीय संसद्को दुवै सदनको संयुक्त बैठकमा प्रस्तुत हुने नीति तथा कार्यक्रमको सम्बोधनलाई स्वीकृत गरेको हो ।

आज अपराह्न ४ बजे राष्ट्रपति पौडेलले नेपालको संविधानको धारा ९५ बमोजिम संघीय संसद्को दुवै सदनको संयुक्त बैठकमा सरकारको नीति तथा कार्यक्रम प्रस्तुत गर्ने सम्भावित कार्यसूची छ ।

मन्त्रिपरिषद्को बैठकले नेपालको संविधानको धारा ९५ बमोजिम राष्ट्रपतिद्वारा हुने सम्बोधनलाई स्वीकृत गरेको सरकारका प्रवक्ता एवं शिक्षा, विज्ञान तथा प्रविधिमन्त्री सस्मित पोखरेलले जानकारी दिए ।

संघीय संसद्को दुवै सदनको अधिवेशन आजदेखि सुरु हुँदैछ ।

सम्बन्धित समाचार

प्रधानमन्त्री शाहले बोलाए मन्त्रिपरिषद् बैठक राष्ट्रपति पौडेलद्वारा सार्वजनिक खरिद अध्यादेश जारी खुल्यो राजनीतिक नियुक्ति खारेजीको बाटो मन्त्रिपरिषद बैठक सिंहदरबारमा जारी कांग्रेसद्वारा संसद समन्वय बोर्डको बैठक आह्वान राष्ट्रपति पौडेलद्वारा वैशाख २८ गते संसद् अधिवेशन आह्वान संघीय संसद् सचिवालयका ट्रेड युनियन खारेज सुकुम्वासीका घर जर्बजस्ती नभत्काउन सर्वोच्चको आदेश