नेपाली कांग्रेसका सभापति गगन कुमार थापाले पार्टीका निवर्तमान सभापति शेरवहादुर देउवा र नेता डा शेखर कोईराला निकट १९ नेतालाई पार्टीको केन्द्रीय सदस्यमा मनोनयन गरेका छन्।

पार्टीको विधान बमोजिम सभापति थापाले निवर्तमान कार्यवहाक सभापति पुर्ण वहादुर खड्का र नेता कोईरालाको सिफारिसमा उनीहरुलाई मनोनित गरेको बताइएको छ ।

मनोनयनमा दलित, मधेसी, महिला, जनजाति तथा हिमाली भूगोलको प्रतिनिधित्वदेखि पुराना प्रभावशाली नेता, नयाँ पुस्तासम्मलाई समेटिएको छ। पूर्व उपप्रधानमन्त्री सुजाता कोइराला, पूर्व मन्त्रीहरू दिलेन्द्रप्रसाद बडू, रमेश रिजाल, उमेश श्रेष्ठ लगायतलाई समेटिएको सूचीलाई कांग्रेसभित्र शक्ति सन्तुलन मिलाउने प्रयासका रूपमा हेरिएको छ।

त्यसैगरी दुर्घटनापछि पुनः सक्रिय राजनीतिमा फर्किएका डा. चन्द्रकान्त भण्डारीको मनोनयनलाई निकै सकारात्मक रूपमा हेरिएको छ।

मनोनयन हुने अन्य नेताहरूमा पुर्व सहमहामन्त्रीद्धय महेन्द्र यादव, जीवन परियार, पुर्व केन्द्रीय सदस्यहरु अजयकुमार चौरसिया, गोविन्दराज पोखरेल, आङ्गेलु शेर्पा, सुशिला मिश्र भट्ट, उर्मिला थपलिया, लक्ष्मी परियार, दिनेशकुमार यादव, दिनेश कोईराला, राजीव कोइराला, राजीव ढुंगाना, नागिना यादव, डा. जीवन राना रहेका छन् ।

सम्बन्धित समाचार

प्रधानमन्त्री शाहले बोलाए मन्त्रिपरिषद् बैठक बालेन सरकारले संसद् छलेर ल्याउँदै दुई वटा अध्यादेश खुल्यो राजनीतिक नियुक्ति खारेजीको बाटो सरकारले गुणस्तरीय शिक्षामा जोड दिइरहेको छ: मुख्यमन्त्री शाह कांग्रेसद्वारा संसद समन्वय बोर्डको बैठक आह्वान संसद अधिवेशन आह्वानको सिफारिस गर्न आलटाल गर्दै सरकार राष्ट्रपति पौडेलद्वारा वैशाख २८ गते संसद् अधिवेशन आह्वान कर्मचारी प्रशासनमा ‘मनोवैज्ञानिक डोजर’