काठमाडौं । कांग्रेस निवर्तमान सभापति तथा पूर्वप्रधानमन्त्री शेरबहादुर देउवाले नेता गोपालमान श्रेष्ठको निधनप्रति गहिरो दुःख व्यक्त गरेका छन् ।
क्यान्सरबाट पीडित श्रेष्ठको उपचारका क्रममा मंगलबार निधन भएपछि हङकङमा रहेका देउवाले सामाजिक सञ्जाल फेसबुकमार्फत श्रद्धाञ्जली व्यक्त गरेका हुन् ।
‘नेपाली कांग्रेसका नेता, पूर्वउपप्रधानमन्त्री एवं मेरा मित्र गोपालमान श्रेष्ठजीको निधनको खबरले स्तब्ध भएको छु,’ देउवाले लेखेका छन्, ‘उहाँको आत्माको चिरशान्तिको कामना गर्दै शोकसन्तप्त परिवारजनप्रति गहिरो समवेदना व्यक्त गर्दछु ।’
नेपालको लोकतान्त्रिक आन्दोलनमा श्रेष्ठले निभाएको अग्रणी भूमिका सधैं स्मरणीय रहने देउवाले उल्लेख गरेका छन् । देउवा हाल उपचारका सिलसिलामा हङकङमा छन् ।
तपाइको प्रतिक्रिया
(Visited 159 times, 1 visits today)
