विराटनगर, । जिल्ला प्रशासन कार्यालय मोरङले जिल्लाभर  ‘डिजे’ बजाउन निषेध गरेको छ । मोरङ प्रशासनले सोमबार एक सूचना जारी गर्दै अर्को सुचना जारी भएसम्मका लागि डीजे अर्थात चर्को स्वरमा बजाउन रोक लगाएको हो ।

छिमेकी जिल्ला सुनसरीमा गत आइतवार राती भएको झडपमा १ जनाको ज्यान गए पछि तनाबग्रस्त बनिरहेको बेला मोरङले जिल्ला भित्र कुनै पनि प्रकारको डिजे बजाउन प्रतिबन्ध लगाएको हो।

जिल्ला प्रशासन कार्यालयले आज गरेको सुचना अनुसार मोरङ जिल्ला भित्र आयोजना हुने मेला, महोत्सव, विवाहका विभिन्न समारोह, पार्टी उत्सव, चाडपर्व, धार्मिक कार्यक्रम तथा पुराणलगायतका कुनै पनि कार्यक्रममा डीजेको प्रयोग गर्न पाइने छैन ।

‘यो सूचना विपरीत कसैले डिजेको प्रयोग गरे वा गराएको पाइएमा कानून बमोजिम कारबाही गरिनेछ,’ सहायक प्रमुख जिल्ला अधिकारी पवनराज कोइरालाद्वारा जारी सूचनामा भनिएको छ ।

सम्बन्धित समाचार

उत्कृष्ट काम गर्ने दुई उपभोक्ता समिति र कर्मचारी सम्मानित हिमालय मनसुन स्काउट क्याम्प–२०८३ आयोजना हुँदै, ५० भन्दा बढी विद्यार्थी सहभागी हुने उदयपुर जिल्ला अदालतद्वारा एकै वर्षमा १८ करोड भन्दा बढी जरिवाना असुल रोगले थलिएका मुसहर परिवारको सहयोगले पलायो आशा दीपक भट्ट र सुलभ अग्रवाललाई धरौटीमा रिहा गर्न अदालतको आदेश सुनसरीमा ९ हजारभन्दा बढी मुद्दा दर्ता, सम्बन्ध विच्छेद अग्रस्थानमा प्राधिकरणद्वारा मोरङ र सुनसरीका विद्युत् वितरण प्रणालीको अनुगमन झापामा डेङ्गु सङ्क्रमितको सङ्ख्या घट्दो