देशकै पहिलो ‘योग नगर’ घोषणा हुँदै चाँगुनारायण

भक्तपुर । चाँगुनारायण नगरपालिकाले आफ्नो नगरलाई ‘योग नगर’ घोषणा गर्ने भएको छ । नगरपालिकाले आज मंगलबार पत्रकार सम्मेलन गरी सो जानकारी गराएको हो ।

नगरपालिकाका प्रमुख जीवन खत्रीले यही जेठ ८, ९ र १० गते त्रिदिवसीय कार्यक्रम गर्दै चाँगुनारायण नगरपालिकालाई ‘योग नगर’ घोषणा गर्न लागेको बताए ।

‘तीन दिनसम्म खरिपाटीस्थित नेपाल विद्युत् प्राधिकरणको तालिम केन्द्रमा बिहान ५ बजे बृहत् योग विज्ञान शिविर सञ्चालन गर्नेछौँ, अन्तिम दिन विशेष कार्यक्रम आयोजना गरी चाँगु योग ज्योति सन्देश स्मारिक सार्वजनिक एवं बागमती प्रदेश सरकारका मुख्यमन्त्रीबाट योग नगर घोषणा गर्नेछौं,’ नगरप्रमुख खत्रीले भने ।

उनले योग जिल्ला घोषणासँगै नगरपालिकाले प्रत्येक वडादेखि विद्यालयहरूमा योग शिक्षक उत्पादन गर्न प्रशिक्षण सञ्चालन गर्ने र टोलटोलमा योगलाई विस्तार गर्ने बताए ।

नगरप्रमुख खत्रीले भने, ‘चाँगुनारायणका प्रत्येक वडामा योग प्रशिक्षणदेखि योग शिविरहरु सञ्चालन हुनेछ, नियमित योग, ध्यान र प्राणायामले शरीर, मन एवं चेतनालाई सन्तुलित राख्दै शारीरिक र मानसिक स्वास्थ्यलाई तन्दुस्थ राख्न सहयोग पुर्याउँछ भन्ने सन्देश जनजनमा पु¥याउनेछौँ ।’

नगरपालिकाले वडाहरूमा नियमित योग शिविर सञ्चालन, विद्यालयहरूमा योग शिक्षा अनिवार्य गर्ने, स्थानीयस्तरमा दक्ष योग प्रशिक्षक उत्पादन गर्ने, योग पार्क एवं ध्यान केन्द्र स्थापना गर्ने, आयुर्वेद र प्राकृतिक चिकित्सासँग समन्वय गर्दै अभियानलाई सञ्चालन गर्ने योजना ल्याएको छ ।

पत्रकार सम्मेलनमा नगरपालिकाका प्रमुख प्रशासकीय अधिकृत मोहनकुमार श्रेष्ठले ‘पहिलो सुख निरोगी काया’ भन्ने नाराका साथ नगरलाई योग नगर घोषणाले नगरवासीमा उत्साह थपेको बताए ।

बागमती प्रदेश स्वास्थ्य मन्त्रालय, प्रादेशिक योग समितिका सदस्य नवराज काफ्लेले चाँगुनारायण नगरपालिका देशकै पहिलो योग नगरपालिका घोषणा हुन लागेकाले यो अभियानलाई देशभरि लैजाने बताए ।

तपाइको प्रतिक्रिया
(Visited 1 times, 1 visits today)

सम्बन्धित समाचार

पशुपतिनाथको स्वामित्वमा आयो पशुपति गौशाला धर्मशाला मनसुन अवधिमा सरदरभन्दा कम वर्षा र तापक्रम बढ्ने पूर्वानुमान विषाक्त खानाका कारण ९३ जना बिरामी, ५० जनाको उपचार हुँदै कांग्रेसले वीरेन्द्रनगरमा प्रदेशस्तरीय भेला गर्ने सुरक्षण मुद्रण केन्द्रमा लाइसेन्स छपाइ जारी पर्यापर्यटनको नयाँ गन्तव्य बन्दै ‘वेतना सिमसार’ फुटबल महाकुम्भ ‘फिफा विश्वकप २०२६’ : उद्घाटन खेलमा मेक्सिको र दक्षिण अफ्रिका भिड्दै सार्वजनिक स्रोत–साधनको मितव्ययी उपयोगमा महालेखाको जोड

epaper

प्रमुख

ताजा समाचार

देशकै पहिलो ‘योग नगर’ घोषणा हुँदै चाँगुनारायण
काठमाडौं । कायममुकायम प्रधानन्यायाधीश सपना प्रधान मल्लले प्रस्तावित प्रधानन्यायाधीशमाथि गम्भीर प्रश्न उठाउँदै संवैधानिक परिषद् अध्यादेश र परिषद्को निर्णयविरुद्धका निवेदन दर्ता गर्न आदेश दिएकी छन् । प्रधानन्यायाधीशका हैसियतमा उनले संवैधानिक परिषद्ले ...
काठमाडौँ । परराष्ट्र मन्त्रालयले इरानको नियन्त्रणमा रहेका नेपाली नागरिक अमृत झा रिहा भइसकेको भन्ने गलत सूचना सार्वजनिक भएको विषयमा माफी मागेको छ । झा रिहा नभइसकेको स्पष्ट पार्दै मन्त्रालयले यसअघि ...
काठमाडौं । नेपाली कांग्रेस केन्द्रीय नीति, अनुसन्धान तथा प्रशिक्षण प्रतिष्ठानको बैठक विभिन्न नीतिगत तथा अभियानमुखी कार्यलाई प्रभावकारी बनाउन १२ वटा उपसमिति गठन गरेको छ । प्रतिष्ठानको बैठकले उपसमिति गठन गर्दै ...
काठमाडौं । ऊर्जा, जलस्रोत तथा सिँचाइ मन्त्रालयले पछिल्लो समय सेवा प्रवाहमा नयाँ अभ्यास सुरु गरेको छ । मन्त्री विराजभक्त श्रेष्ठले पदभार सम्हालेलगत्तै ‘गुनासो सुन्ने र तुरुन्त सम्बोधन गर्ने’ कार्यशैलीलाई प्राथमिकतामा ...
काठमाडौं । संघीय संसद्का दुवै सदनको बैठक आज बस्दैछ । संघीय संसद् सचिवालयका अनुसार प्रतिनिधिसभाको बैठक बिहान ११ः०० बजे र राष्ट्रियसभाको बैठक दिउँसो १ः१५ बजे बस्ने कार्यसूची छ । प्रतिनिधिसभाको ...