खोटाङ । खोटाङको दिक्तेल बजारमा सम्पन्न खुला राष्ट्रिय बुद्धिचाल प्रतियोगिताको उपाधि झापा दमकका प्रकाशचन्द्र नेपालले जितेका छन् । ‘तेस्रो बृहत् खोटाङ–हलेसी खेलकुद, साहित्यिक तथा पर्यटन महोत्सव–२०८३’ अन्तर्गत आयोजित बुधबार भएको प्रतियोगितामा नेपालले फाइनलमा भारतको सिक्किम निवासी राहुल गुरुङलाई पराजित गर्दै उपाधि जितेका हुन् ।

प्रतियोगितामा सिक्किमकै थेण्डुप तामाङ तेस्रो भएका छन् । नेपाल खेलकुद प्रतिष्ठान खोटाङ र नेपाल सितोरियो कराते संघ खोटाङको संयुक्त आयोजनामा दिक्तेलस्थित जिल्ला समन्वय समितिको सभाहलमा सम्पन्न प्रतियोगितामा देशभरका ५१ खेलाडीले सहभागिता जनाएका थिए । प्रथम, द्वितीय र तृतीय हुने खेलाडीले क्रमशः २५ हजार, १५ हजार र १० हजार नगदसहित ट्रफी, मेडल र प्रमाणपत्र प्राप्त गरेका छन् ।

कोशी प्रदेश श्रेणीमा खोटाङको बराहपोखरी गाउँपालिकाका खिलराज राई प्रथम र दिक्तेल रुपाकोट मझुवागढी नगरपालिकाका हरिभक्त राई द्वितीय भएका छन् । खोटाङ जिल्ला श्रेणीमा बमबहादुर राई प्रथम, ज्ञानबहादुर श्रेष्ठ द्वितीय र प्रभुराम राई तेस्रो भएका छन् ।

जिल्ला समन्वय समिति खोटाङका प्रमुख सनबहादुर राईले विजेता खेलाडीहरूलाई पुरस्कार वितरण गरेका थिए । जेठ ३ गतेदेखि सुरु भएको महोत्सव छ दिनसम्म सञ्चालन हुनेछ । जेठ ९ गते नेपाल प्रज्ञा प्रतिष्ठानको सहकार्यमा साहित्यिक महोत्सव आयोजना हुने कार्यक्रम रहेको आयोजकले जनाएका छन् ।

सम्बन्धित समाचार

१० औं पोखरा स्पोर्टस् अवार्डको मनोनयन पथरीलाई हराउँदै रेडहर्ष उपाधिनजिक अमेरिकाविरुद्धको खेलमा नेपाल सात रनले विजयी छैटौं रारा ट्रेल रनको उपाधि दलबहादुर र सुनमाया लाई फुटबल महाकुम्भ ‘फिफा विश्वकप २०२६’ : उद्घाटन खेलमा मेक्सिको र दक्षिण अफ्रिका भिड्दै प्रथम छायाँनाथ अल्ट्रा रेसमा धीरबहादुर र सुनमाया प्रथम गछिया गोल्डकपको आय–व्यय सार्वजनिक, दोस्रो संस्करण अझ भव्य बनाइने प्रधान सेनापति राष्ट्रिय टेनिस प्रतियोगिता सुरु