मोरङ । कोशी प्रदेशमा तीन दिन गणतन्त्र दिवस मनाइने भएको छ । प्रदेशका मुख्यमन्त्री हिक्मतकुमार कार्कीको अध्यक्षतामा बसेको गणतन्त्र दिवस मूल समारोह समितिको बैठकले जेठ १४, १५ र १६ गते भव्यरुपमा गणतन्त्र दिवस मनाउने निर्णय गरेको हो ।

यही जेठ १४ गते प्रदेशका मन्त्रालयमा सचिवको नेतृत्वमा, स्थानीय तहमा प्रमुख प्रशासकीय अधिकृतहरुको नेतृत्वमा र अन्य कार्यालयहरुमा कार्यालय प्रमुखहरुको नेतृत्वमा सरसफाइ गर्ने तथा साँझ दीपावली गरिनेछ ।

यसैगरी, जेठ १५ गते जिल्ला प्रशासन कार्यालय मोरङबाट बिहान प्रभातफेरि निकालिने र मूल समारोह समितिको आयोजनामा हुने कार्यक्रममा मुख्यमन्त्री कार्कीले सम्बोधन गर्ने र साँझ दीपावली गर्ने कार्यक्रम रहेको छ ।

यस्तै, जेठ १६ गते प्रदेश स्वास्थ्य मन्त्रालयको अगुवाइमा अस्पतालका बिरामीले फलफूल वितरण गर्ने, सामाजिक विकास मन्त्रालयले मानव सेवा आश्रमका आश्रितलाई फलफूल वितरण गर्ने र साँझ दीपावली गरिने निर्णय भएको छ ।

मूल समारोह समितिको बैठकले जेठ १५ गते विभिन्न जातजातिको वेशभूषा झल्कने झाँकीसहित सहभागिताका लागि आग्रह गरेको छ ।

प्रदेशका आन्तरिक मामिला तथा कानुनमन्त्री इन्द्रमणि पराजुलीको नेतृत्वमा ११ सदस्यीय समितिले दिवसलाई सम्पन्न गर्नेछ ।

सम्बन्धित समाचार

मैवाखोला गाउँपालिकामा आगलागी हुँदा एक घर जलेर नष्ट भद्रपुर-जलथल-राजगढ सडक भत्किन थालेपछि दुर्घटनाको जोखिम बढ्दै प्रजनन स्वास्थ्यमा कानुनी अड्चन हटाउन सरोकारवालाको जोड कोशी खेलकुद विकास बोर्डको उपाध्यक्षमा श्रेष्ठलाई नियुक्त गर्न माग पूर्वी प्रवेशद्वारमा ४० फिट अग्लो ‘घण्टाघर’ विद्यालयको नाममा रहेको जमिनमा बस्ती विस्तार पर्यटकको रोजाइमा कोशी टप्पु काकरभिट्टामा राष्ट्रिय ‘बी’ बुद्धिचाल च्याम्पियनसिप शुरु