काठमाडौं । मधेस प्रदेशका सांसद एवं पूर्वराज्यमन्त्री सरोजकुमार सिंहलाई चार वर्ष एक महिना कैद सुनाइएको छ। विशेष अदालतले भ्रष्टाचार मुद्दामा जेठ ४ गते दोषी ठहर गर्दै सजाय निर्धारणका लागि मंगलबारलाई पेसी तोकेको थियो।

विशेष अदालतका न्यायाधीशहरू सुर्दशनदेव भट्ट, उमेश कोइराला र विदुर कोइरालाको इजलासले ३८ लाख ५० हजार १३९ रुपैयाँ जरिवाना तिराउने पनि फैसला गरेको छ। यस्तै एक लाख ५४ हजार पाँच रुपैयाँ क्षतिपूर्ति वापत अशुल उपर गर्ने पनि विशेष अदालतको फैसला छ।

अख्तियार दुरूपयोग अनुसन्धान आयोगले जनता समाजवादी पार्टी नेपालका मधेस प्रदेशका सांसद सिंहसहित १६ जनाविरुद्ध २०८२ असोज ३० गते भ्रष्टाचार मुद्दा दायर गरेको थियो । मधेस प्रदेशका पूर्वराज्यमन्त्रीसमेत रहेका सिंहले संसद् विकास कोषको विकास आयोजनामा उपभोक्ता समितिबाट ३८ लाख ५० हजार ३३९ रुपैयाँ भ्रष्टाचार गरेको आरोप छ।

उनले आफ्ना स्वकीय सचिव विनोदकुमार लाल कायस्थमार्फत निकालेर रकम आफ्नो र श्रीमतीको नाममा रहेको खातामा जम्मा गरेको अख्तियारको आरोप थियो।

सम्बन्धित समाचार

मधेस प्रदेशको ४४२ हेक्टर वनक्षेत्र अतिक्रमण मुक्त तरकारी खेती र स्वरोजगारमार्फत आत्मनिर्भर बन्दै रौतहटका महिला लहानका विपन्न मुसहर परिवारलाई सुरक्षित आवास हस्तान्तरण तीन सय ३८ स्थानीय तहबाट भू–उपयोग वर्गीकरण सम्पन्न सुत्केरी तथा गर्भवतीलाई पोषण सामग्री वितरण बागमती प्रदेशमा तीनदिन ‘गणतन्त्र दिवस २०८३’ मनाइने मानव अधिकार संरक्षणको सुनिश्चित घरबाटै सुरुआत हुनुपर्छ : मुख्यमन्त्री आचार्य जेनजी आन्दोलनसम्बन्धी मानव अधिकार आयोगको प्रतिवेदन सार्वजनिक