मकवानपुर । मकवानपुरको भीमफेदी गाउँपालिका-८ बैदमारस्थित भित्री सडकमा गए राति पिकअप जीप दुर्घटना हुँदा एक इन्जिनियरसहित सवारी चालकको मृत्यु भएको छ ।

काठमाडौं दक्षिणकालीबाट करिब ३५ किलामिटर दक्षिण मकवानपुरको माणडु हाइड्रोपावरबाट इपातर्फ जाँदै गरेको सवारी दुर्घटना हुँदा निजगढ(काठमाडौं द्रुतमार्गमा कार्यरत इन्जिनियर सूर्य यादव र सवारी चालक बोधराज बुढाथोकीको निधन भएको हो ।

जीप अनियन्त्रित भई सडकबाट करिब १०० फिट तल खस्दा त्यसमा सवार बारा जिल्ला पचरौता नपा-७ का इन्जिनियर यादव र सिन्धुली जिल्ला कमलामाई नपा-९ का चालक बुढाथोकीको निधन भएको जिल्ला प्रहरी कार्यालय मकवानपुरका प्रवक्ता एवं प्रहरी नायब उपरीक्षक माधवप्रसाद काफ्लेले जानकारी दिए ।

प्रहरीका अनुसार जीप दुर्घटना भएको जानकारी पाउनासाथ निजगढ-काठमाडौं द्रुतमार्गको बेस क्याम्पमा खटिएका नेपाली सेना र नेपाल प्रहरीको संयुक्त टोलीले घटनास्थलबाट उद्धार गरी उपचारका लागि हेटौंडा अस्पताल पुर्‍याएकामा चिकित्सकले दुवै जनाको मृत्युको घोषणा गरेको हो ।

सम्बन्धित समाचार

बाघको आहारा प्रजातिको सर्वेक्षण सुरु नारायणीमा पौडी खेल्नेक्रममा डुबेर बेपत्ता बीस मेगावाटसम्मका आयोजना प्रदेश सरकारले निर्माण गर्ने रोकिएको गौतमबुद्ध क्रिकेट रंगशालाको काम पुनः सुरु चिकित्सक लाइसेन्स परीक्षामा स्वदेशी कलेज अग्रस्थानमा हुम्लामा आगलागीबाट तीनतले घर नष्ट बागमती र कोशीका १८ जिल्लामा रास्वपाको नयाँ कार्यसमिति मोतीविन्दुको निःशुल्क शल्यक्रियाबाट ८५ जनाले पाए नयाँ दृष्टि