काठमाडौं । ‘फिफा विश्वकप २०२६ अन्तर्गत नेपाली समयअनुसार शुक्रबार बिहान सम्पन्न दुई खेलले समूह चरणको प्रतिस्पर्धालाई नयाँ मोड दिएका छन ।

उत्तर अमेरिकामा संयुक्तरूपमा आयोजना भइरहेको विश्वकपमा एकातिर घरेलु समर्थकको अपार साथ पाएको क्यानडाले कतारमाथि गोलको वर्षा गर्दै विश्वकप इतिहासकै सबैभन्दा महइभ्वपूर्ण जितमध्ये एक दर्ता ग¥यो भने अर्कोतर्फ मेक्सिकोले दक्षिण कोरियाविरुद्ध धैर्य, अनुशासन र रणनीतिक परिपक्वताको नमुना प्रस्तुत गर्दै ‘अन्तिम ३२’मा स्थान सुरक्षित गर्ने पहिलो टोली बन्न सफल भएको छ । दुवै खेलका कथा फरक भए पनि दबाब झेल्न सक्ने टोलीले नै सफलता हासिल गरे ।

भ्यानकुभरस्थित बीसी प्लेस रंगशालामा खेल सुरु हुनुअघि नै वातावरण उत्सवमय बनेको थियो । रंगशाला क्यानडेली समर्थकले भरिभराउ थियो । घरेलु टोलीका खेलाडी मैदान प्रवेश गर्दा हजारौं समर्थकले राष्ट्रिय झण्डा फहराउँदै उनीहरूलाई स्वागत गरेका थिए ।

विश्वकप इतिहासमा अहिलेसम्म जितको स्वाद चाख्न नसकेको क्यानडाका लागि यो खेल तीन अंकको लडाइँमात्र थिएन, बरु आफनै इतिहास पुनर्लेखन गर्ने अवसर पनि थियो । प्रशिक्षक जेसी मार्शको टोली सुरुवाती मिनेटदेखि नै आक्रामक देखियो । मिडफिल्डबाट तीव्र गतिमा बल वितरण गर्दै क्यानडाले कतारी रक्षापंक्तिमाथि लगातार दबाब बढायो ।

खेलको १६औं मिनेटमा क्यानडाले पहिलो सफलता प्राप्त ग¥यो । दायाँ विंगबाट आएको क्रसलाई साइल लारिनले उत्कृष्ट हेडमार्फत जाली चुमाएपछि पूरा रंगशाला उत्साहले गुञ्जायमान बन्यो । गोलपछि क्यानडाको आत्मविश्वास झन बढ्यो । कतारले खेल नियन्त्रणमा ल्याउने प्रयास गरे पनि बलमाथिको नियन्त्रण र आक्रमण निर्माण दुवै क्षेत्रमा कमजोर देखियो ।

२९औं मिनेटमा जोनाथन डेभिडले व्यक्तिगत पहिलो गोल गर्दै क्यानडाको अग्रता दोब्बर बनाए । डेभिडले पेनाल्टी क्षेत्रभित्र प्राप्त अवसरलाई कुनै गल्ती नगरी गोलमा परिणत गरे । त्यसपछि कतार झन दबाबमा प¥यो ।

पहिलो हाफ अन्त्यतिर क्यानडाले अर्को झटका दियो । इन्जुरी समयको पहिलो मिनेटमा जोनाथन डेभिडले पुनः गोल गर्दै स्कोर ३–० पु¥याए । पहिलो हाफ सकिँदा कतारका खेलाडीका अनुहारमा निराशा स्पष्ट देखिन्थ्यो । उनीहरू न आक्रमणमा प्रभावशाली थिए, न त रक्षात्मकरूपमा व्यवस्थित नै । क्यानडाले भने घरेलु दर्शकको साथलाई ऊर्जा बनाउँदै खेलमाथि पूर्ण नियन्त्रण कायम राखेको थियो ।

दोस्रो हाफमा कतारले केही परिवर्तन गर्दै खेलमा फर्कने संकेत दिन खोज्यो । तर, क्यानडाको संगठित संरचना र तीव्र प्रतिआक्रमणले उनीहरूको योजना सफल हुन दिएन । ६४औं मिनेटमा युवा मिडफिल्डर नाथन सालिबाले सुन्दर प्रहारमार्फत चौथो गोल गरेपछि खेलको प्रतिस्पर्धा लगभग समाप्त भएको थियो । त्यसपछि कतारको निराशा अनुशासनहीनतामा बदलियो ।

लगातार कठोर ट्याकल र अनावश्यक विवादका कारण कतारी खेलाडी रेफ्रीको निगरानीमा परे । खेलको उत्तरार्धमा दुई खेलाडीले रातो कार्ड पाएपछि कतार नौ खेलाडीमै सीमित भयो । खेलको गति त्यसपछि पूर्णरूपमा क्यानडाको नियन्त्रणमा रह्यो ।

७५औं मिनेटमा कतारका मोहम्मद अल मन्नाइबाट आत्मघाती गोल भएपछि स्कोर ५–० पुग्यो । घरेलु समर्थक प्रत्येक पास र प्रत्येक आक्रमणमा उत्सव मनाइरहेका थिए । इन्जुरी समयको द ा ेस ्रा े िम न ेट म ा जोनाथन डेभिडले आफनो ह्याट्रिक पूरा गर्दै स्कोरलाई ६–० म ा पु¥याए । रेफ्रीले अन्तिम सिटी बजाउँदा बीसी प्लेस रंगशालामा उपस्थित समर्थक लामो समयसम्म आफनो खुसी रोक्न सकेनन । यो एउटा जितमात्रै थिएन, क्यानडाली फुटबल इतिहासको स्वर्णिम अध्यायसमेत बन्न पुगेको छ । विश्वकपमा पहिलो जितमात्र होइन, विश्वकपमा क्यानडाले अहिलेसम्मकै सर्वाधिक गोल पनि यही खेलमा ग¥यो ।

तर, क्यानडाको खुसीबीच एउटा दुःखद क्षण पनि थियो । टोलीका महत्वपूर्ण मिडफिल्डर इस्माएल कोने गम्भीर चोटका कारण स्ट्रेचरमार्फत मैदानबाहिर लगिएका थिए । खेलपछि प्रशिक्षक जेसी मार्शले टोलीको जित ‘कोनेलाई समर्पित भएको’ प्रतिक्रिया दिए । खेलाडीले पनि ड्रेसिङरूममै उनको शीघ्र स्वास्थ्यलाभको कामना गरे ।

उता, मेक्सिकोको ग्वाडालाहारास्थित एस्टाडियो ग्वाडालाहारामा भएको समूह ‘ए’को खेल भने बिल्कुल फरक प्रकृतिको रह्यो । मेक्सिको र दक्षिण कोरियाबीचको प्रतिस्पर्धा सुरुदेखि नै सन्तुलित थियो । दुवै टोलीलाई थाहा थियो कि यो खेलको नतिजाले ‘नकआउट’ चरणको सम्भावना प्रत्यक्षरूपमा प्रभावित गर्नेछ । त्यसैले पहिलो हाफमा दुवै पक्षले सावधानीपूर्वक खेल प्रस्तुत गरे ।

मेक्सिकोले बलमाथि नियन्त्रण राख्ने प्रयास ग¥यो भने दक्षिण कोरियाले संगठित रक्षात्मक संरचनामा आधारित प्रतिआक्रमण रणनीति अपनायो ।

पहिलो हाफमा केही राम्रा अवसर सिर्जना भए पनि गोल हुन सकेन । दक्षिण कोरियाली रक्षापंक्तिले मेक्सिकोका आक्रमणकारीलाई धेरै स्थान दिएन । तर, दोस्रो हाफ सुरु भएको केही मिनेटमै खेलको निर्णायक मोड आयो ।

दक्षिण कोरियाली गोलरक्षक किम सिउङ–ग्यु र डिफेन्डरबीच समन्वय कमी हुँदा बल खस्न पुग्यो । त्यही अवसरलाई लुइस रोमोले सदुपयोग गर्दै गोल गरे । उनले शान्त र संयमित फिनिसिङमार्फत बललाई जाली चुमाए र मेक्सिकोलाई अग्रता दिलाए ।

गोलपछि दक्षिण कोरिया खेलमा फर्किन आक्रामक बन्यो ।

कप्तान र अग्रपंक्तिका खेलाडीले लगातार आक्रमण बुन्न थाले । केही अवसरमा मेक्सिकन रक्षापंक्ति दबाबमा परेको देखियो । तर गोलरक्षक राउल राङ्गेल उत्कृष्ट लयमा थिए । उनले गरेका महइभ्वपूर्ण बचाउले मेक्सिकोलाई संकटबाट जोगाइरहे ।

अन्तिम दस मिनेटमा दक्षिण कोरियाले बराबरी गोलका लागि गरेको प्रयास विफल पार्न रांगेल निर्णायक साबित भए ।

खेलको अन्तिम सिटी बज्दा मेक्सिकन समर्थक उत्सवमा डुबेका थिए । लगातार दोस्रो जितसँगै मेक्सिकोले ‘अन्तिम ३२’मा स्थान सुरक्षित ग¥यो ।

प्रतियोगितामा ‘नकआउट’ चरणमा पुग्ने पहिलो टोली बन्नु मेक्सिकोका लागि ठूलो उपलब्धिसमेत बनेको छ । प्रशिक्षक र खेलाडीले खेलपछि संयमित प्रतिक्रिया दिँदै अझ कठिन चुनौतीहरू अगाडि रहेको बताएका थिए ।

दक्षिण कोरियाका लागि भने यो हार निराशाजनक भए पनि आशा समाप्त भएको छैन । टोलीले अन्तिम खेलमा सकारात्मक नतिजा निकाल्न सके अझै ‘नकआउट’ चरण पुग्ने सम्भावना कायम रहनेछ । कतारको अवस्था भने निकै कठिन बनेको छ । लगातार खराब प्रदर्शन र फराकिलो हारले टोलीको आत्मविश्वासमा गम्भीर असर परेको देखिन्छ ।

विश्वकपको समूह चरण अझै प्रारम्भिक अवस्थामा भए पनि शुक्रबार बिहानका यी दुई खेलले घरेलु समर्थकको साथ, अनुशासित रणनीति र अवसर सही उपयोग गर्ने टोली नै अगाडि बढ्ने सम्भावना बढाएको स्पष्ट देखिएको छ ।

क्यानडाले इतिहास रच्दै आफूलाई नयाँ शक्तिका रूपमा प्रस्तुत गरेको छ भने मेक्सिकोले अनुभव र परिपक्वताको बलमा उपाधि दाबेदार टोलीमध्ये आफूलाई स्थापित गर्ने प्रयास थप बलियो बनाएको छ । अब सबैका नजर उनीहरूको आगामी खेलकेन्द्रित हुने छन्, जहाँ समूह चरणको अन्तिम समीकरण तय हुनेछ ।

सम्बन्धित समाचार

हङकङसँग नेपालको लज्जास्पद हार हुम्लाका विद्यालयलाई फुटबल सहयोग हङकङलाई हराउँदै नेपालले जित्यो एसियाली पुरुष छनोटको उपाधि क्यानडा-बोस्निया एन्ड हर्जगोभिना बीचको खेल १–१ गोलको बराबरीमा टुंगियो अल्जेरियाविरुद्धको खेल मेसीका लागि विशेष दमकमा राष्ट्रिय बुद्धिचाल प्रतियोगिता जारी विश्वकप फुटबलः कालेब यिरेनकीको गोलमा घाना विजयी कतारको पोस्टमा क्यानडाको ६ गोल