काठमाडौं । हुलाक सेवासम्बन्धी कानुन ‘हुलाक ऐन, २०१९’ र नीति समयानुकूल परिवर्तन गर्न अधिकारीहरुले जोड दिएका छन्।

हुलाक सेवा विभागले आज आयोजना गरेको ‘हुलाक सेवाको आधुनिकीकरणसम्बन्धी उच्चस्तरीय संवाद कार्यक्रम’ मा अधिकारीहरुले सो धारणा व्यक्त गरेका हुन्।

कार्यक्रममा नेपालमा हुलाक सेवाको रुपान्तरण स् सरकारी कुरियर सेवा, व्यावसायिकता र नवप्रवर्तन विषयक कार्यपत्र प्रस्तुत गर्दै पूर्वसचिव सुरेश अधिकारीले हुलाक सेवालाई समयानुकूल अघि बढाउन कानुन र नीतिगत सुधार गर्नुपर्ने धारणा राखे।

हुलाक सेवा विभागका निर्देशक सपनाकुमारी भट्टराईले ‘हुलाक ऐन,२०१९’ को संशोधन अनिवार्य भएको जानकारी दिइन्। नेपाल कुरियर सेवा संघका अध्यक्ष अनिल राजभण्डारीले २०५० सालमा हुलाक ऐन संशोधन भएपछि नेपालमा कुरियर सेवा सुरु भएको बताए।

नेपालमा कुरियर सेवा सबै जिल्लामा पुगिसकेको छ। सरकारले जारी गरेको शासकीय सुधारसम्बन्धी १०० बुँदाको २७ नं। बुँदामा हुलाक सेवालाई सरकारी कुरियर सेवा प्रदायकका रुपमा अघि बढाउने कुरा उल्लेख छ।

सम्बन्धित समाचार

चार सदस्यीय छानबिन समिति गठन नेपाल नागरिक उड्डयन प्राधिकरणका पूर्वमहानिर्देशक गौतम कारागार चलान भरतपुरका २९ विषयगत सहकारी संस्था खारेज प्रधानमन्त्री शाहले बोलाए मन्त्रिपरिषद् बैठक प्रधानमन्त्री शाह चितवनमा टिपरमा च्यापिँदा युवकको मृत्यु शिक्षामन्त्रीद्वारा रास्वपा केन्द्रीय सदस्यमा उम्मेदवारी प्रतिनिधिसभाको बैठक शनिबार