काठमाडौं । ठमेल पर्यटन विकास परिषद्को अध्यक्षमा राजुमान डंगोल बिजयी भएका छन् । परिषद्को राजधानीमा सम्पन्न ३०औं र ३१ औं वार्षिक साधारणसभा तथा आइतबार सम्पन्न निर्वाचनको मतपरिणामबाट डंगोल अध्यक्षमा बिजयी भएका हुन् ।

अध्यक्षका अर्का प्रत्यासी उम्मेदवार प्रश्रय राजभण्डारीलाई झन्डै डब्बल मतले पराजित गर्दै डंगोल बिजयी भएका हुन् । नवर्निवाचित अध्यक्ष डंगोेलले ७ सय २८ मत प्राप्त गरेका छन् भने राजभण्डारीले जम्मा ३ सय ६५ मत प्राप्त गरेका थिए ।

परिषद्को प्रथम उपाध्यक्षमा राजीव पाण्डे, द्वितीय उपाध्यक्षमा दावाङ (दावा) तामाङ, तृतीय उपाध्यक्षमा रमेश थापा बिजयी भएका छन् ।

महासचिवमा पशुपति कँडेल,सचिवमा दिलिप कँडेल, कोषाध्यक्षमा किन्चुलामु भुटिया (श्रेष्ठ) बिजयी भएका छन् । यसैगरी, केन्द्रिय सदस्यहरूमा कृष्णबहादुर सेढाईं,सुरेन्द्र डंगोेल, बालकृष्ण खनाल,सानुकाजी महर्जन,रोशन प्रधान (श्रेष्ठ), विश्वमान प्रधान, लिजा मानन्धर र चन्द्रा तामाङ बिजयी भएका छन् ।

परिषद्को आगामी दुईवर्षे कार्यकालका लागि सम्पन्न भएको सो निर्वाचनमा कुल १ हजार ३ सय ९ मतदाता थिए । जसमध्ये १ हजार २ सय २५ मत मात्र खसेको निर्वाचन समितिले जनाएको छ ।

निर्वाचित भएपछि नवनिर्वाचित अध्यक्ष डंगोलले सबै ब्यवसायीलाई एकजुट गराएर ब्यावसायिक हक सुरक्षित बनाउँदै व्यवस्थित ठमेल निर्माणमा आफ्नो ध्यान केन्द्रित हुने प्रतिवद्धता जनाए । डंगोलले मुलुकको पर्यटकीय बजार एवं अन्तर्राष्ट्रिय पर्यटक केन्द्र ठमेललाई थप व्यवस्थित बनाउन अहिलेका नयाँ प्रविधिसँग जोडेर अगाडि बढ्ने लक्ष्य लिएको बताए ।

सम्बन्धित समाचार

सहकारी (पहिलो संशोधन) विधेयक स्वीकृत सुनचाँदीको मूल्य घट्यो, आज कतिमा हुँदैछ कारोबार ? बजेट कार्यान्वयनसँगै कृषि र युवालक्षित कार्यक्रम ल्याउन माग नेप्से परिसूचक २४.६३ अङ्कले घट्यो वीरगन्जमा ‘रोजगार मेला २०८३’ तुलसी सहकारीका ऋणीको नाम सार्वजनिक ‘मुद्रास्फीति लक्ष्यअनुकूल, विदेशी मुद्रा सञ्चिति सुदृढ, निजी क्षेत्र कर्जा विस्तार अपेक्षाभन्दा कम’ मौद्रिक नीतिले निजी क्षेत्रको मनोबल बढाउने, कार्यान्वयनमा जोडः महासंघ