काठमाडौं । रौतहटमा एक युवाले आफ्नै शरीरमा पेट्रोल छर्केर आगो लगाउँदै आत्मदाहको प्रयास गरेका छन् । गम्भीर घाइते भएका उनलाई थप उपचारका लागि काठमाडौंस्थित कीर्तिपुर बर्न अस्पताल ल्याइएको छ ।

जिल्ला प्रहरी कार्यालय रौतहटका प्रहरी उपरीक्षक (एसपी) सीताराम रिजालका अनुसार गरुडा नगरपालिका–९ गमरिया टोलका २८ वर्षीय गौतमकुमार सहनीले बुधबार बिहान करिब १ बजे आफ्नै शरीरमा पेट्रोल छर्केर आगो लगाएका थिए ।

घटनाको जानकारी पाएलगत्तै प्रहरी टोली घटनास्थल पुगेको थियो । उनलाई तत्काल स्थानीय अस्पताल पुर्‍याइए पनि अवस्था गम्भीर देखिएपछि थप उपचारका लागि कीर्तिपुरस्थित बर्न अस्पताल रिफर गरिएको प्रहरीले जनाएको छ ।

एसपी रिजालका अनुसार सहनीको शरीरको करिब ३१.५ प्रतिशत भाग जलेको छ । प्रारम्भिक अनुसन्धानका क्रममा उनी डिप्रेसनमा रहेको र अत्यधिक मदिरा सेवन गर्ने गरेको जानकारी परिवारले प्रहरीलाई दिएको छ । घटनाको कारण’bout थप अनुसन्धान भइरहेको प्रहरीले जनाएको छ ।

पछिल्ला केही सातायता देशका विभिन्न स्थानमा आत्मदाहका प्रयास र घटनाहरू बढिरहेका छन् । यसअघि मुगुका गणेश नेपाली, काठमाडौंका आश्विन राउत र सर्लाहीका विवेक मण्डलले आत्मदाह गरेपछि उपचारकै क्रममा ज्यान गुमाएका थिए ।

सम्बन्धित समाचार

असई विक मृत्यु प्रकरण: पूर्वसांसद महतोसहित ६ जनालाई ५ वर्ष कैद, ३ जनालाई जन्मकैद सजाय आँपको सुगन्धले चिनिएको श्रीपुर गाउँ ‘लार्भा खोज र नष्ट गर’ कार्यक्रम सञ्चालन गर्दै कामपा बरको रुखमा बाँधेर बालबालिका पिट्ने ४ महिला पक्राउ दुई दिनमै ४ छोरी गुमाएकी विष्णु तनहुँमा प्रभावकारी बन्दै कृषि उद्यम विकास कार्यक्रम सुकुम्बासीको आँशुले हामीलाई पोल्छ: रास्वपा सांसद् धिताल मौलापुरमा अझै गएनन हाकिम : नगरशिक्षकदेखी सुत्केरीसम्म आन्दोलित