धनगढी । सामाजिक विकास कार्यालय कैलालीले चालु आर्थिक वर्षमा सञ्चालन गरेका कार्यक्रमहरूको प्रगति समीक्षा गर्दै वार्षिक समीक्षा कार्यक्रम सम्पन्न गरेको छ । बुधबार धनगढीमा आयोजित कार्यक्रममा जिल्लाका सबै स्थानीय तहका प्रतिनिधिहरूको सहभागिता रहेको थियो ।

कार्यक्रममा शिक्षा, बालबालिका तथा ज्येष्ठ नागरिकसँग सम्बन्धित कार्यक्रमहरूको कार्यप्रगति समीक्षा गरिएको सामाजिक विकास कार्यालयले जनाएको छ । समीक्षा कार्यक्रममा प्रत्येक स्थानीय तहबाट शिक्षा, युवा तथा खेलकुद शाखा प्रमुख, बालबालिका तथा ज्येष्ठ नागरिक शाखा प्रमुख तथा महिला प्रतिनिधिहरू सहभागी भएका थिए ।

सामाजिक विकास कार्यालय कैलालीका प्रमुख कुलराज सोतीले चालु आर्थिक वर्षमा कार्यालयमार्फत सञ्चालन गरिएका योजना तथा कार्यक्रमको प्रगति विवरण प्रस्तुत गरेका थिए ।

कार्यालयका अनुसार प्रदेशस्तरका शिक्षा तथा सामाजिक विकाससँग सम्बन्धित कार्यक्रमहरूको उपलब्धि मूल्याङ्कन गर्दै आगामी आर्थिक वर्षका योजना तथा कार्यक्रमलाई प्रभावकारी बनाउने उद्देश्यले समीक्षा कार्यक्रम आयोजना गरिएको हो ।

सम्बन्धित समाचार

पत्रकार खेम भण्डारी पक्राउ बिना हेलमेट बुलेट चलाएका मुख्यमन्त्री कमलबहादुर शाहलाई ५०० रुपैयाँ जरिवाना अर्कैसित प्रेममा थिएँ, घाँटी रेटेर श्रीमतीको हत्या गरेँ : नेपाली ब्रो (बयानसहित) बैतडीमा घर भत्किँदा तीन जना घाइते दशकपछि पूरा हुँदै नौगाउँ–डुङरी–किमोला सिँचाइ योजना कनरी–फूलबारी चक्रपथमा २१० स्मार्ट सडक बत्ती जडान रहेनन् आफ्नै शरीरमा आगो लगाएका गणेश नेपाली उद्धारमा खटिने सशस्त्रका कर्मचारीलाई मासिकरूपमा तलबको १५ प्रतिशत भत्ता र खटिएको दिनमा ५ सय उच्च जोखिम भत्ता