काठमाडौं । काठमाडौंको बौद्धस्थित माकलबारीमा खाजाघर सञ्चालन गर्र्दै आएकी एक महिलाले आत्मदाह प्रयास गरेकी छिन् ।

काभ्रेको तिमाल स्थायी घर भई बौद्ध बस्दै आएकी २७ वर्षीया सालु गुरुङले राति २ बजेर ५० मिनेट जाँदा पेट्रोल छर्केर आत्मदाह प्रयास गरेकी हुन् । उनको कीर्तिपुरस्थित बर्निङ अस्पतालमा उपचार भइरहेको छ ।

जिल्ला प्रहरी काठमाडौंका प्रवक्ता एसपी पवनकुमार भट्टराईका अनुसार, घटना भएलगत्तै उनलाई गोकर्णेश्वर–६ स्थित सुष्मा कोइराला मेमोरियल अस्पताल लगिएको थियो । स्थित गम्भीर भएपछि कीर्तिपुर लगिएको हो ।

प्रहरीका अनुसार गुरुङले आफ्नै खाजा पसलको पछाडिको पार्किङमा आत्मदाह प्रयास गरेको अवस्थामा उनका श्रीमानले फेला पारेका थिए । गुरुङ बौद्धमै खाजा घर चलाउने गर्दछिन् ।

गुरुङको शरीरको अनुहार, छाती र दुवै हातमा गरी अन्दाजी ५० प्रतिशत भाग जलेको छ । उनी हल्का बोल्न सक्ने अवस्थामा छिन् ।
आत्मदाह प्रयासको कारण खुलेको छैन ।

सम्बन्धित समाचार

आमाको दूध प्रतिस्थापन गर्ने कृत्रिम वस्तु बिक्रीमा निषेध गणेश नेपालीको अवस्था गम्भीर र अस्थिर छ : वीर अस्पताल रहेनन् आफ्नै शरीरमा आगो लगाएका गणेश नेपाली उद्यमी अस्मिनकुमार राउतद्वारा आत्मदाहको प्रयास बुद्धनगरमा आत्मदाहको प्रयास गरेका उद्यमी राउतको निधन गणेश आत्मदाह प्रकरणः महानगरले गर्‍यो क्षतिपूर्ति र रोजगारीको ग्यारेन्टी