काठमाडौं । पछिल्लो २४ घण्टामा देशभर विपदका ६६ वटा घटना घटेका छन् । राष्ट्रिय विपद् जोखिम न्यूनीकरण तथा व्यवस्थापन प्राधिकरणका अनुसार विपद्का कारण ५२ जिल्ला प्रभावित भएका छन् ।

सोमबार बिहानदेखि मंगलबार बिहानसम्मको विवरणअनुसार विपद्मा परेर दुई जनाको ज्यान गएको छ भने १३ जना घाइते भएका छन् ।

प्राधिकरणको तथ्यांकअनुसार, सर्पदंश आठ, आगलागी सात, बाढी छ, पहिरो १७, अविरल बर्षा १०, चट्याङ र जनावर आक्रमणका एक÷एक र भूकम्पका दुई वटा घटना भएका छन् । विपद्का कारण रु १० लाख ७४ हजार ५०० बराबरको क्षति भएको छ । सात स्थानमा सडक अवरोध भएको थियो ।

वर्षाको मौसममा देशका विभिन्न स्थानमा बाढी पहिरोको जोखिम हुने भएकाले यात्रा गर्दा सावधानी अपनाउन प्राधिकरणले आग्रह गरेको छ । बाढी पहिरो जान सक्ने जोखिमयुक्त स्थानमा नजान, मौसमसम्बन्धी जानकारी लिएर मात्र यात्रा गर्न प्राधिकरणले सबैलाई ध्यानाकर्षण गराएको छ ।

सम्बन्धित समाचार

अब विषादीको व्यवसाय जथाभावी गर्न नपाइने सिंहदरबारमा ह्वीलचियर र सहयोगी सेवा सुरु गणेश नेपाली मृत्यु प्रकरण : तीन जना नगर प्रहरी पक्राउ माकलबारीमा अक्सिजन सिलिन्डर पड्किँदा पैदलयात्रीको मृत्यु नेपाली मृत्यु प्रकरण : थपलियाको नेतृत्वमा ५ सदस्यीय छानबिन समिति गठन वैदेशिक रोजगार कसुर मुद्दामा फरार दुई प्रतिवादी पक्राउ बाढी–पहिरोले पाँच प्रमुख राजमार्ग अवरुद्ध रेसुङ्गा –१० का वडासदस्य प्रशासन कार्यालयमै कुटिए