काठमाडौं । वाणिज्य, आपूर्ति तथा उपभोक्ता संरक्षण विभागले दुई वटा फर्मलाई कारबाही गरेको छ । स्थलगत अनुगनका क्रममा कैफियत देखिएपछि महालक्ष्मी नगरपालिका–२ इमाडोलमा रहेको इभ कलेक्सनलाई १० हजार रुपैयाँ जरिवाना गरिएको विभागले जनाएको छ ।

यस्तै, काठमाडौं महानगरपालिका–३२ सुविधानगरमा रहेको स्टोर अमिसालाई पाँच हजार जरिवाना गरेको छ । उपभोक्ता संरक्षण ऐन, २०७५ अनुसार ती फर्मलाई कारबाही गरिएको हो ।

विभागले सोमबार १० वटा फर्ममा अनुमगन गरेको थियो । त्यसमध्ये आठ वटा फर्मलाई भने सुधारात्मक निर्देशन दिएको छ । उपभोक्ता अधिकारकर्मीसहितको उपस्थितिमा विभागले नियमित अनुमगन गरेको उल्लेख गरेको छ ।

व्यावसायिक फर्महरुको अनुमगन गर्दा उपभोक्ता संरक्षण ऐन, २०७५ र उपभोक्ता संरक्षण नियमावली, २०७६ बमोजिम आवश्यक निर्देशन एवं कारबाही गरिएको विभागले स्पष्ट पारेको छ ।

सम्बन्धित समाचार

पौडेललाई फेरि पाँच दिन हिरासतमा राख्न म्याद थप पौडेलसहित १८ जनालाई भ्रष्टाचार मुद्दामा सफाइ ओमानमा ड्रोन आक्रमण नेपाल दूरसञ्चार प्राधिकरणको अध्यक्षमा अर्जुन घिमिरे जमुनाह नाकाबाट स्रोत नखुलेको पाँच लाख बरामद महिला उद्यमीका समस्या समाधान गर्न सरकार प्रतिबद्ध छः प्रधानमन्त्री शाह सङ्घीय सांसदलाई सम्पत्ति विवरण बुझाउन आग्रह च्याउ खोज्न जंगल गएका १४ महिला बेपत्ता