सुर्खेत । लोपोन्मुख राउटे समुदायकी एक महिलाको मृत्यु भएको छ । मृत्यु हुनेमा ६५ वर्षीया फलाटो शाही रहेकी छिन् ।

उनी राउटे समुदायका मुखीया मध्येका एक प्रकाश शाहीकी आमा हुन् । राउटे परियोजनाका कर्मचारी लालबहादुर खत्रीका अनुसार, उनी दीर्घरोगका बिरामी थिइन् । ‘औषधी सेवन गरिरहेकी थिइन्,’ खत्रीले भने, ‘अहिले साउने सङ्क्रान्तिको अवसरमा अत्यधिक मदिरा सेवन पनि भएकाले बिहान २ बजेतिर मृत्यु भयो ।’

फलाटो शाहीको मृत्युपछि अब राउटे समुदायको कुल जनसङ्ख्या १३२ मा झरेको छ । गत वर्ष साउन महिनामा उनीहरूको जनसङ्ख्या १३५ थियो । हाल राउटे पूर्वी सुर्खेतको सिम्ता गाउँपालिका–९, खानीखोलामा बस्दै आएका छन् ।

सम्बन्धित समाचार

कर्णालीमा सवारी कारबाहीबाट रु तीन करोड ४१ लाख राजस्व सङ्कलन झापामा डेङ्गु सङ्क्रमितको सङ्ख्या घट्दो कर्णालीको मुख्यमन्त्रीमा नेकपा नेता शाहीको दाबी पेस शाहीले लिए मुख्यमन्त्रीको शपथ, मन्त्री नियुक्त भएनन् महेन्द्र कार्कीद्वारा गौशालामा ३ सय जनालाई खीर भोजन निर्माण व्यवसायी महासंघ कर्णालीको अध्यक्षमा बम निर्वाचित ‘शनिश्चरे नगर अस्पताल मातृशिशु सुरक्षा केन्द्र’ मिलापत्रमै टुङ्गिन्छन् सम्बन्धविच्छेदका अधिकांश मुद्दा