काठमाडौं । विशेष अदालतले पूर्वअर्थमन्त्री एवं कांग्रेस नेता ज्ञानेन्द्रबहादुर कार्कीसँग १५ लाख रुपैयाँ धरौटी माग गरेको छ ।

पोखरा अन्तर्राष्ट्रिय विमानस्थल निर्माणका क्रममा भएको भ्रष्टाचारमा उनको समेत संलग्नता रहेको आरोपमा अख्तियार दुरुपयोग अनुसन्धान आयोगले विशेष अदालतमा मुद्दा दायर गरेको थियो ।

न्यायाधीश नारायणप्रसाद पौडेल, डिल्लीरत्न श्रेष्ठ र उमेश कोइरालाको इजलासले पूर्वमन्त्री कार्कीसँग १५ लाख रुपैयाँ धरौटीमा छाड्न आदेश गरेको हो ।

विमानस्थल निर्माणको क्रममा मूल सम्झौताको प्रावधानविपरीत ठेकेदार कम्पनीलाई कर छुट दिएर आर्थिक अनियमितता गरेको र यसका लागि मन्त्रीसँगै सचिवसहितका कर्मचारी र चिनियाँ ठेकेदार कम्पनीको आपसी मिलेमतो देखिएको दाबीसहित अख्तियारले मुद्धा दायर गरेको थियो ।

अख्तियारले ३ अर्ब ६२ करोड ५ लाख २२ हजार १६० रुपैयाँ हानि नोक्सानी पु¥याएको आरोप छ । सोही रकमबराबर सामूहिक बिगो उनीहरूको हकमा कायम गरिएको छ ।

सोही आरोपमा तत्कालीन अर्थसचिव शंकरप्रसाद अधिकारी, पर्यटन सचिव महेश्वर न्यौपाने, अर्थ मन्त्रालयका तत्कालीन सहसचिव केवलप्रसाद भण्डारी, पर्यटन मन्त्रालयका तत्कालीन सहसचिव सुरेश आचार्य, डण्डुराज घिमिरे, नेपाल नागरिक उड्डयन प्राधिकरणका तत्कालीन महानिर्देशक सञ्जीव गौतम, आयोजनाका तत्कालीन निर्देशक प्रदीप अधिकारीलगायतलाई प्रतिवादी बनाइएको छ ।

सम्बन्धित समाचार

ब्रड पिकमा शव भेटिकामध्ये दुई जनाको पहिचान खुल्यो चार प्रदेशका पहाडी क्षेत्रमा आज भारी वर्षाको सम्भावना नारायणगढ–मुग्लिन सडक दुईतर्फी रुपमा सञ्चालन परराष्ट्र मन्त्रालयका सहसचिव भट्टराई पक्राउ राजनीतिक नियुक्तिमा फेरि मनोमानी खाद्य प्रणाली रुपान्तरण रणनीतिक योजनाको विवरण संकलन गर्न स्थानीय तहसँग समन्वय गरिने विराटनगर जुट मिल पुनः सञ्चालनका लागि अध्ययन कार्यदल गठन