रौतहट । रौतहटको बकैया नदीमा नुहाउन गएका ३ जना बालबालिका बेपत्ता भएका छन । रौतहटको देवाही गोनाही नगरपालिका–२ लक्ष्मिनिया स्थित लालबकैया नदीमा आज मंगलबार दिउँसो नुहाउन गएका ३ जना बालबालिका बेपत्ता भएका हुन् ।

बकैया नदीमा नुहाउन गएका देवाही गोनाही नगरपालिका–२ लक्ष्मिनियाका शेख अमरे आलमका १० वर्षीय छोरा मोहम्मद रमतुल्लाह, सोही स्थानका शेख खुरौसेदकी १० वर्षीया छोरी रौशन खातुन र शेख ओसि अख्तरकी १० वर्षीया छोरी सवनम खातुन बेपत्ता भएको जिल्ला प्रहरी कार्यालय रौतहटका प्रहरी नायब उपरिक्षक बसन्त गौतमले जानकारी दिएका छन ।

बालबालिका बेपत्ता भएको खबर प्राप्त हुनासाथ नेपाल प्रहरी र सशस्त्र प्रहरीको टोली तत्काल घटनास्थलमा पुगेर खोजी कार्यलाई सुरु गरेको प्रनाउ गौतमले जानकारी दिए ।

इलाका प्रहरी कार्यालय देवाही गोनाहीबाट प्रहरी निरीक्षक तेजप्रसाद भट्टराईको कमाण्डमा १६ जना र सशस्त्र प्रहरी बल, नेपाल सुरक्षा वेश देवाहीबाट सशस्त्र प्रहरी सहायक निरीक्षक भक्तबहादुर शाहीको कमाण्डमा ७ जनाको टोली घटनास्थलमा खटिएर खोजी कार्यमा जुटेको डिएसपी गौतमले बताए ।

बलबालिकाको खोजकार्यको लागी सशस्त्र प्रहरी बल नेपाल नं. ११ गण हेडक्वार्टर रौतहटबाट सशस्त्र प्रहरी सहायक निरीक्षक भीमबहादुर पुनको कमाण्डमा ९ जनाको रबर बोटसहितको डाइभिङ तथा उद्धार टोली समेत घटनास्थलतर्फ पठाइएको समेत उनले जानकारी दिए ।

सम्बन्धित समाचार

सिरहाको गोलबजारमा दुई घण्टा कर्फ्यु खुकुलो सरकारले कप्तानगन्ज घटनापीडितलाई राहत प्रदान गर्ने बन्दीपुरमा ट्याक्टर दुर्घटना हुँदा १५ जना घाइते नेपाल फार्मेसी परिषद्को रजिस्ट्रारमा डा. थापा नियुक्त भण्डारीलाई थुनामुक्त गर्न अस्वीकार देउवा फर्किनेवारे प्रहरीले भन्योः ‘हामी हेर्दैछौं’ युवा आन्दोलनले बढायो मोदी सरकारमाथि दबाब हामी कीर्ते गरेर नेता बनेका होइन : प्रभु साह