काठमाडौं । पत्रकारितामार्फत सहकारी क्षेत्रको प्रवद्र्धनमा उल्लेखनीय योगदान पुर्‍याएको भन्दै राजधानी दैनिकका समाचार संयोजक अमृतनाथ तिमल्सिनालाई नेफ्स्कुन पत्रकारिता पुरस्कार प्रदान गरिएको छ ।

बचत तथा ऋण सहकारी केन्द्रीय संघ (नेफ्स्कुन)को स्थापना दिवसका अवसरमा काठमाडौंमा आयोजित कार्यक्रममा तिमल्सिनालाई पुरस्कार प्रदान गरिएको हो । सहकारी क्षेत्रको विकास, प्रवद्र्धन र अर्थतन्त्रमा यसको योगदान’bout निरन्तर कलम चलाएको भन्दै उनलाई सम्मान गरिएको नेफ्स्कुनले जनाएको छ।

तिमल्सिनाले ललित सन्देश, रेडियो ललितपुर र दिनहुँ दैनिक हुँदै हाल राजधानी दैनिकको समाचार संयोजकका रूपमा पत्रकारिता गर्दै आएका छन्। उनले पत्रकारितामार्फत सहकारी क्षेत्रका गतिविधि, समस्या र सम्भावनालाई निरन्तर प्राथमिकताका साथ उठाउँदै आएका छन्।

नेफ्स्कुनको स्थापना दिवसका अवसरमा काठमाडौंमा केन्द्रीय तथा सातै प्रदेशमा क्षेत्रीय कार्यक्रम एकसाथ आयोजना गरिएको थियो । कार्यक्रममा सहकारी क्षेत्रको विकासमा विभिन्न विधाबाट उत्कृष्ट योगदान पुर्‍याउने व्यक्ति तथा संस्थालाई सम्मान तथा पुरस्कार प्रदान गरिएको थियो ।

कार्यक्रममा नेफ्स्कुन जीवनपर्यन्त निष्पादन सम्मानबाट स्वर्गीय कैलाशभक्त प्रधानाङ्गलाई सम्मान गरिएको थियो । त्यस्तै, संस्थापक अध्यक्ष पुरस्कारबाट भूमिराज खड्का र नेफ्स्कुन विद्वत्ता सम्मानबाट डा. रुपा जोशी सम्मानित भएका थिए।

संस्थागततर्फ सर्वोत्कृष्ट संघका रूपमा रौतहट जिल्ला बचत संघ तथा सर्वोत्कृष्ट साकोसका रूपमा मध्यनेपाल साकोसलाई पुरस्कृत गरिएको थियो । महिला विधातर्फ महिला सेवा साकोस, मकवानपुरलाई सम्मान गरिएको नेफ्स्कुनले जनाएको छ।

सम्बन्धित समाचार

‘देश र कांग्रेस जोड्न साउन २० गते राष्ट्रिय भेला’ हिजो के भएको हो सुस्तामा ? देवेनरा ग्रुपको आवासमा प्रहरीको छापा सप्तरीको राजविराज र बोदेबर्साइनको निषेधाज्ञा पूर्णरूपमा हटाइयो तीस महिनामा सम्पन्न हुनुपर्ने ६२ किमी हुलाकी सडक दस वर्षमा बनेन ओमनमा नेपाली उत्पादनको बजार विस्तार गर्न निर्यात व्यवसायीको उच्चस्तरीय टोली प्रस्थान बढ्दो महँगी नियन्त्रण गर्न सरकारको ध्यानाकर्षण बिक्रेतालाई ग्यास सञ्चित गरेर नराख्न आग्रह