न्युयोर्क । एक अमेरिकी संघीय न्यायाधीशले ७५ देशका नागरिकलाई लक्षित गरी देशमा स्थायी रूपमा बसोबास गर्न चाहनेहरूका लागि भिसा प्रतिबन्ध खारेज गरिदिएका छन् । यसले राष्ट्रपति डोनाल्ड ट्रम्पको आप्रवासन दमन अभियानलाई झट्का दिएको छ ।

न्युयोर्कको दक्षिणी जिल्लामा शुक्रबार जारी आदेशमा न्यायाधीश जीनेट भर्गासले यस नीतिलाई ‘कानुनविपरीत’ भएको बताएका छन् र विदेशमन्त्री मार्को रुबियोले यसलाई जारी गर्दा आफ्नो ‘कानुनी अधिकार’ नाघेको बताएका छन् ।

जनवरीमा लागू भएको यस नीतिले नेपाल, अफगानिस्तान, ब्राजिल, इजिप्ट, इरान, इराक, नाइजेरिया, सोमालिया, थाइल्याण्ड र यमनलगायत ७५ देशका नागरिकका लागि आप्रवासी भिसा प्रक्रिया निलम्बन गरेको थियो ।

विदेश मन्त्रालयले भिसा प्रक्रिया निलम्बनको घोषणा गर्दै भनेको थियो, ‘यो निर्णय ‘उच्च जोखिमयुक्त देशबाट आउने आप्रवासीहरूले अमेरिकामा गैरकानुनी रूपमा कल्याणकारी सुविधा प्रयोग नगरून् वा सार्वजनिक भार नबनून् भनेर सुनिश्चित गर्न गरिएको हो ।’

भर्गासले आदेशमा भनेका छन्, ‘कन्सुलर अधिकारीहरूलाई आवेदक अन्यथा योग्य ठहरिए पनि केवल आवेदकको मूल देशका आधारमा आप्रवासी भिसा अस्वीकार गर्न गलत रूपमा आदेश दिइएको थियो ।’

शुक्रबारको फैसलाले केवल यस नीतिमा आधारित कुनै पनि भिसाको लागि अस्वीकृतिलाई खारेज गर्छ । सरकारले यस फैसलालाई पुनरावेदन गर्न सक्नेछ ।

ट्रम्पले लाखौँ अवैध आप्रवासीलाई निष्कासन गर्ने वाचासहित राष्ट्रपतीय निर्वाचनका लागि अभियान चलाएका थिए र ह्वाइट हाउसमा पुनः फर्केपछि निर्वासनलाई तीव्र बनाउने तथा सीमापार आवागमन घटाउने उद्देश्यले विभिन्न कदम चालेका छन् ।

सम्बन्धित समाचार

इन्डोनेसियामा ७.७ रेक्टर स्केलको शक्तिशाली भूकम्प मध्यपूर्वमा जारी युद्धका कारण अमेरिकी ऋण नयाँ कीर्तिमानमा, नाघ्यो ४०० खर्ब डलर अमेरिकाको अलास्कामा आठ जना सवार चार्टर विमान दुर्घटनाग्रस्त आर्थिक आत्मनिर्भरता वृद्धिसँगै सम्बन्ध बढे विच्छेदका मुद्दा वरिष्ठ साहित्यकार डा. राजेन्द्र विमल रहेनन् म्याग्दीको घारा हाइड्रोपावरमा पहिरो जादा एक जना बेपत्ता ७ लाखको घाटाले पनि हारेन भागरथीको आँट, दूध बेचेर उभिइन् आफ्नै खुट्टामा राष्ट्रिय पाठ्यक्रम प्रारूप समयसापेक्ष बनाउने तयारी, प्रतिवेदनलाई प्राथमिकता