राजविराज । सप्तरीको शम्भुनाथ नगरपालिका ३ मा आईतवार बिहान एक ३ वर्षिया बालिकाको शव फेला परेको छ ।

उक्त शव सोही वडाका मो. इरफानको ३ वर्षिया छोरी सनिया खातुनको रहेको खुलेको छ । प्रहरीका अनुसार विहान ११ बजे तिर इरफानको घरबाट करिब ६०÷७० मिटरको दुरीमा रहेको झाडीमा सनियाको मृत शरीर फेला परेको छ । बिहान ९ बजेसम्म उनी घरमै खेलिरहेको र त्यसपछि अचानक सम्पर्कविहिन भएको परिवारजनले बताएका छन् ।

स्थानीयले झाडीमा शव देखेपछि प्रहरीलाई खबर गरेका थिए ।

त्यसपछि प्रहरी उपरिक्षक रुपक खडका, प्रहरी नायब उपरिक्षक हेमराज घिमिरे सहितको प्रहरी टोली घटना स्थलम पुगेर अनुसन्धान शुरु गरेको छ । सनियाको शरिरमा बाहिरी चोट नदेखिए पनि अन्य कुनै विधि प्रयोग गरी उनको हत्या गरी शव लुकाउन कसैले झाडीमा फ्यालेको हुनसक्ने आशंका गरिएको छ । मृत्युको यकिन कारण भने पोष्टमार्टम रिर्पोट पछि मात्र भन्न सकिने प्रहरी उपरिक्षक खडकाले बताए ।

उनले अनुसन्धानका क्रममा मृतक बालिकाकी सौतेनी आमालाई नियन्त्रणमा लिइएको जानकारी समेत दिए ।

‘अहिले मृतककी सौतेनी आमालाई शंकाको आधारमा नियन्त्रणमा लिएका छौ । प्रहरी उपरिक्षक खडकाले भने–अनुसन्धान सकाएर छिट्टै सबै सत्यतथ्य सार्वजनिक गर्ने छौ ।

बाराको जितपुर सिमरामा एक नाबालिकाको भएको हत्या घटना सेलाउन नपाउँदै सप्तरीको भएको अर्को घटनाले स्थानीय समाजमा त्रास फैलिएका छ । आईतवार नै मृतक बालिकाको शव पोष्टमार्टमका लागि गजेन्द्र नारायण सिंह अस्पताल पुर्याइएको छ ।

सम्बन्धित समाचार

खेतबारीमा लुकाई राखेको ठूलो परिमाणको गाजा बरामद अवैध नदी उत्खनन गर्ने सात जना प्रहरी नियन्त्रणमा केवाइसी अपडेट गर्ने भन्दै ठगी गर्ने चार जना पक्राउ विभिन्न स्थानबाट अवैध लागूऔषधसहित १५ जना पक्राउ जापानिज इन्सेफ्लाइटिसः सप्तरी र कैलालीमा ४ जनाको मृत्यु गरिमा हत्या प्रकरण: मध्यरातमा ५ बुँदे सहमतिपछि रोकियो आन्दोलन सूचना आदान गर्न विशेष टोली गर्न नेपाल भारतबीच सहमति सबै आपराधिक घटना प्रहरीको ‘इन्स्टिच्युसनल मेमोरी’ मा छ : प्रहरी महानिरीक्षक कार्की