मुस्ताङ । कालीगण्डकी नदीको अवैध उत्खनन गर्ने सात जना र उनीहरूले प्रयोग गरेका सात वटा ट्याक्टर र चालकलाई नियन्त्रणमा लिइएको छ ।

बिनाअनुमति अवैध रुपमा नदीजन्य प्राकृतिक स्रोत बालुवा उत्खनन गरी ओसारपोसार गरेको आरोपमा ग१त ७६५३, ग१त ७५९७, ग१त ६६५३, ध१त ११४, ग१त ६०८८ र ग१त ६९५४ नम्बरको ट्याक्टरलाई बालुवासहित जिल्ला प्रहरी कार्यालय मुस्ताङले नियन्त्रणमा लिएको हो ।

उनीहरु जोमसोम–कोरला सडकखण्डअन्तर्गत मुस्ताङको वारागुङ मुक्तिक्षेत्र गाउँपालिका–४ स्थित एक्लेभट्टी नजिकको कालीगण्डकी नदी बगरमा अवैध रुपमा बालुवा उत्खनन गरी ओसारपसार गर्दै थिए ।

जिल्ला प्रहरी कार्यालय मुस्ताङका प्रहरी निरीक्षक सन्तोष बस्यालले वर्षायामको समयमा कालीगण्डकी नदीमा नदीजन्य पदार्थको उत्खननले विपद्को जोखिम निम्तिन सक्ने जानकारी दिए।

सम्बन्धित समाचार

विदेशी नागरिकलाई कुटपिट गर्ने दुई पक्राउ दूरसञ्चार प्राधिकरणका पूर्वअध्यक्ष भण्डारी पक्राउ लागुऔषधसहित विभिन्न स्थानबाट १४ जना पक्राउ ‘ट्राफिक प्रहरीको उद्देश्य सवारी दुर्घटना कम गर्नु हो, जरिवाना लिनु होइन’ खैरो हेरोइनसहित पक्राउ कर्णाली विकास बैंकका सीईओ शाहसहित तीन जना पक्राउ लागुऔषधसहित दुई जना पक्राउ ब्राउन सुगरसहित एक जना भारतीय नागरिक पक्राउ