काठमाडौं । शिक्षा तथा खेलकुदमन्त्री सस्मित पोखरेलले शिक्षा नियमावलीको एघारौँ संशोधन प्रक्रिया दशैँअगाडि नै टुंग्याउन निर्देशन दिएका छन् ।

मन्त्री पोखरेलले बुधबार मन्त्रालयका सचिवसहितका पदाधिकारी र सचिवालयसँग छलफल गर्दै शिक्षा नियमावलीको एघारौँ संशोधनको मस्यौदा तयार गरी नयाँ नियमावली लागू गर्नेगरी काम गर्न निर्देशन दिएका हुन् ।

शिक्षा नियमावलीको दशौं संशोधन आएदेखि नै बाहिर आएका गुनासालाई सम्बोधन गर्नेगरी मन्त्री पोखरेलले दुई महिनादेखि नियमावलीको एघारौं संशोधनको काम गर्न मन्त्रालयका पदाधिकारीलाई निर्देशन दिँदै आएका छन् । शिक्षा नियमावलीको दशौं संशोधनमा भएका कतिपय प्रावधानमाथि असन्तुष्टि आएपछि मन्त्री पोखरेलले सबै सरोकारवालाहरुसँग मन्त्रालयमा चरणबद्ध छलफल गरेका थिए । त्यसैगरी सातै प्रदेशमा सरोकारवालासँग शिक्षा संवाद र छलफल गरेर राय सुझाव लिइएको थियो । कतिपय छलफलमा मन्त्री पोखरेल स्वयं सहभागी भएका थिए । शिक्षामन्त्रीका प्रमुख सल्लाहकार शैलेन्द्र झासहित मन्त्रालयका उच्च अधिकारी एवं विज्ञसहितको टोलीले देशभरबाट सुझाव संकलन गरेको थियो ।

शिक्षा नियमावलीको दशौँ संशोधनपछि विशेषगरी शिक्षक सरुवामा देखिएका प्राविधिक समस्या, विद्यालय व्यवस्थापन समितिको सन्दर्भमा देखिएका जटिलतालगायतका कुरामा आवश्यक संशोधनसहितको मस्यौदा तयार गर्न मन्त्री पोखरेलले निर्देशन दिएका हुन् ।

शिक्षा नियमावलीको दशौं संशोधनपछि विशेषगरी शिक्षक सरुवामा देखिएका प्राविधिक समस्या, विद्यालय व्यवस्थापन समितिको सन्दर्भमा देखिएका जटिलतालगायतका कुराहरुमा आवश्यक संशोधनसहितको मस्यौदा तयार गर्न मन्त्रालयलाई भनिएको थियो । मन्त्री पोखरेलले मन्त्रालयअन्तर्गत थाती रहेका ऐन तथा नियमावलीलाई समेत छिटो टुंग्याउने गरी काम गर्न पदाधिकारीलाई निर्देशन दिएका छन् ।

मन्त्रिपरिषद्को गत १८ असारमा बसेको बैठकले शिक्षा नियमावली (दशौं संशोधन), २०८३ स्वीकृत गरेको थियो । त्यसअघि ३ फागुन २०७७ मा शिक्षा नियमावलीको नवौँ संशोधन भएको थियो ।

दशौं संशोधनपछि देखिएका समस्या तथा शिक्षक सरुवालगायत विषयमा आएका गुनासालाई सम्बोधन गर्ने गरी एघारौँ संशोधनको मस्यौदा तयार भइरहेको मन्त्रालयले जनाएको छ ।

सम्बन्धित समाचार

अबको शिक्षा : पाठ्यभार घटाउनदेखि एआईलाई समेट्नेसम्मका सुझाव गाउँमै स्वास्थ्य सेवा पाएपछि स्थानीय खुसी बन्द भएको ३५ वर्षपछि ललितपुर महानगरले सञ्चालनमा ल्यायो शारदा पुस्तकालय ठूलो शल्यक्रिया नगरी मुटुका भल्भको उपचार अब नेपालमै सम्भव पोखरा विश्वविद्यालयले खुला प्रतिस्पर्धाबाट डिन नियुक्त गर्दै, आवेदन आह्वान राजनीतिक कार्यक्रममा सहभागी शिक्षकमाथि निगरानी र कारबाही गर्न शिक्षा मन्त्रालयको निर्देशन चार वर्षदेखि अँध्यारो कोठामा भीमा लोप हुँदै भटमासखेती