काठमाडौं । रुपन्देही जिल्लाको सिद्धार्थनगर नगरपालिका–१ शान्तिगेटबाट बुधबार राति सशस्त्र प्रहरीले एक किलोग्राम सुनका विभिन्न गरगहनासहित एक महिलालाई नियन्त्रणमा लिएको छ ।

काठमाडौं महानगरपालिका–१९ बस्ने ४६ वर्षीया इला पटेललाई सशस्त्र प्रहरी बल नेपाल सीमा सुरक्षा गुल्म डण्डाबाट खटिएको सशस्त्र प्रहरीले सुनका गरगहनासहित नियन्त्रणमा लिएको हो ।

भारतबाट नेपालतर्फ आउँदै गरेकी उनलाई विशेष सूचनाको आधारमा सो गुल्मबाट सशस्त्र प्रहरी नायव उपरीक्षक गोपीकृष्ण भट्टराईको कमान्डमा खटिएको सशस्त्र प्रहरीले सुन जस्तो देखिने पहेँलो पदार्थबाट बनाइएका विभिन्न गरगहनासहित नियन्त्रणमा लिएको हो ।

ती गरगहना सिद्धार्थनगर सुनचाँदी व्यवसायीले परीक्षण गर्दा १ किलोग्राम सुन कायम भएको थियो । नियन्त्रणमा लिइएका उनलाई बरामद सुनसहित आवश्यक कारबाहीका लागि भैरहवा भन्सार कार्यालय रुपन्देहीमा बुझाइएको छ ।

बरामद सुनको मूल्य २ करोड ५१ लाख ९३ हजार ३ सय ५० रुपैयाँ कायम भएको सशस्त्रका सहप्रवक्ता डीएसपी शैलेन्द्र थापाले बताए ।

सम्बन्धित समाचार

राष्ट्रपति संविधान दिवसमा आयोजित विशेष समारोहमा सरिक दमौली–भरतपुर २२० केभी प्रसारण लाइन : रुख कटानको स्वीकृति बाढी, जलवायु न्याय र विश्वव्यवस्था सम्बन्धमा प्रधानमन्त्री बालेन्द्र शाहको सम्बोधन : ‘हिमालयको चेतावनी सुन्न र त्यसअनुसार काम गर्न तयार रहौँ’ पहिरोले पृथ्वी राजमार्ग र नारायणगढ–मुग्लिन सडक अवरुद्ध बाढीपहिरोबाट पृथ्वी राजमार्गसहित मुख्य सडक अवरुद्ध प्रहरीबाट छुटेपछि चोलेन्द्रले मागे सुरक्षा बागलुङ पहिरोः मृतकको संख्या १२ पुग्यो नारायणी किनार कहर : नगरपालिका बनाउँछ, नदी बगाउँछ