कोभिड–१९ रोकथाममा खटिएका चिकित्सक भन्छन्– हामी आफैं चनाखो छौं, किन डराउने ?

काठमाडौं । कोभिड–१९ रोकथाममा सक्रिय चिकित्सकले आफू सचेत हुँदै संक्रमितको उपचारमा खटिएको बताएका छन् । शुक्रराज ट्रपिकल तथा सरुवा रोग अस्पतालका निर्देशक डा. सागर राजभण्डारीले आफूहरू सतर्क रहेर उपचारमा खटिएको बताए । उनले भने, ‘हामी आफैं चनाखो छौं । सर्जिकल मास्क लगाएर काम गरिरहेका छौं ।’

कोरोना संक्रमितको उपचारका लागि फ्रन्ट लाइनमा खटिएका टेकु अस्पतालका प्रवक्ता डा. अनुप बास्तोलाले आफूले शारीरिक दूरी कायम गरेको बताए । उनले भने, ‘मैले शारीरिक दूरी कायम गर्दै आएको छु । बुबाआमा र परीवारका सदस्यबाट टाढा बस्छु । यो कहिलेसम्म हो, अझै भन्न सकिँदैन ।’

लकडाउन प्रभावकारी भएकै कारण समुदायमा संक्रमण फैलिन नपाएको डा. बास्तोलाको भनाइ छ । टेकु अस्पतालमा खटिएका चिकित्सकहरू बिरामीमा देखिएका लक्षणको आधारमा उपचार प्रक्रिया अघि बढाउने गरेको बताउँछन् । कोरोना पोजेटिभ रिपोर्ट देखिए एन्टिफ्लु, एजी थ्रोमाइसिन, पारासिटामोललगायत औषधि चलाइएको छ ।

टेकु अस्पतालमा आइसोलेसनमा उपचाररत संक्रमित र सम्भावित संक्रमितका लागि फोन, वाइफाइ र खानाको व्यवस्था गरिएको छ । थप २० वटा आइसीयू बेड जडान गरिएको र ती केही दिनमै सञ्चालनमा आउने टेकु अस्पतालले जनाएको छ । संक्रमितको संख्या बढे उपचारमा खटिने चिकित्सकको अभाव नभएको टेकु अस्पतालको भनाइ छ ।

उच्च जोखिम रहेका स्थानमा सरकारले विशेष निगरानी गर्नुपर्ने विषयमा चिकित्सकको जोड छ । ती क्षेत्रमा संक्रमण दर फैलिन नदिन स्थानीय समुदायमा परीक्षणको दायरा फैल्याउन सुझाव दिएका छन् । नाकाबाट आएका सबैको कोरोना परीक्षण गर्नुपर्ने चिकित्सकको सुझाव छ ।

उच्च जोखिम रहेका स्थानमा जनचेतना प्रवाह गर्नुपर्नेमा उनीहरूको जोड छ । ‘क्लोज कन्ट्याक्ट’मा नबस्दा पनि नेपालमा संक्रमण दर नफैलिएको हुन सक्ने सरुवा रोग विशेषज्ञहरू बताउँछन् । अन्य देशमा चुम्बन खाने, नजिक बस्ने र अंकमाल गर्ने चलन भए पनि नेपालमा त्यस्तो छैन । टेकु अस्पतालका निर्देशक डा. भण्डारी कडाउन एकैपटक खुला गर्न नहुने बताउँछन् ।

उनले भने, ‘लकडाउन आंशिक रूपमा खोल्दै जानुपर्छ । सामाजिक दूरी कायम गर्नुपर्छ ।’ जोखिम नभएका ठाउँहरू खुला गरे पनि मुख्यतः भारतबाट भित्रिने ठाउँमा कडाइ गर्नुपर्ने उनले बताए ।

नेपालमा कोरोना संक्रमितको संख्या ५८ पुगेको छ । बुधबार बाराका ३१ र ४३ वर्षका पुरुष तथा पर्साका ४६ वर्षीया पुरुषमा कोरोना संक्रमण पुष्टि भएसँगै संक्रमितको संख्या ५७ पुगेको हो ।

संक्रमितमध्ये १६ जना भने उपचार पछि निको भएर घर फर्किसकेका छन् । बाँकी ४१ जनाको विभिन्न अस्पतालमा उपचार भइरहेको स्वास्थ्य तथा जनसंख्या मन्त्रालयका प्रवक्ता डा. विकास देवकोटाले जानकारी दिए । हालसम्म पीसीआर विधिबाट ११ हजार ५ सय २४ वटा नमुना परीक्षण गरिएको छ ।

कोरोनाको आशंकामा हाल मुलुकभर ८७ जना आइसोलेसनमा भर्ना भएका छन् । जसमध्ये ४ काठमाडौं उपत्यकाभित्र र ८३ जना बाहिरका छन् ।

तपाइको प्रतिक्रिया
(Visited 168 times, 1 visits today)

Ads Space Available

epaper

भर्खरै

नेतृ रेखा थापाद्वारा राप्रपाको विशेष महाधिवेशन माग

कुरी-कुरी

राजधानी राष्ट्रिय दैनिक:कुरी-कुरी – असोज ८, २०८०
राजधानी राष्ट्रिय दैनिक:कुरी-कुरी – असोज ८, २०८०
दुवै पदमा दोस्रो पटक आमने सामने