धनगढी । कोहलपुरबाट कैलालीतर्फ आउँदै गरेको माइक्रोबसमा बर्दियामा गुडिरहेको अवस्थामा अचानक आगलागी भएको छ । महेन्द्र राजमार्गअन्तर्गत आइतबार बर्दियाको बारबर्दिया नगरपालिका–७, रम्मापुरस्थित ५ नम्बर चोक नजिक माइक्रोमा आगलागी भएको हो ।

प्रहरीका अनुसार सुपप्र ०१–००२ ज ४३३ नम्बरको माइक्रोबस राजमार्गमा गुडिरहेको अवस्थामा आगो लागेको थियो । आगलागीपछि माइक्रोमा सवार चालक र सहचालकले तत्काल बाहिर निस्किएर ज्यान जोगाएका थिए ।

माइक्रोमा त्यसबेला चालक र सहचालक मात्रै रहेको प्रहरीले जनाएको छ । आगलागीबाट कुनै मानवीय क्षति नभए पनि माइक्रोमा रहेको केही नगद रकम जलेर नष्ट भएको प्रारम्भिक जानकारी प्रहरीले दिएको छ ।

आगलागीको कारण भने तत्काल खुल्न सकेको छैन । माइक्रोको कुन भागबाट आगो सुरु भयो र आगलागीबाट भएको भौतिक क्षतिको विस्तृत विवरण संकलन भइरहेको प्रहरीले जनाएको छ ।

घटनापछि राजमार्गमा केही समय सवारी आवागमनसमेत प्रभावित भएको थियो । प्रहरी तथा स्थानीयको सहयोगमा आगो नियन्त्रणमा लिइएको जनाइएको छ ।

घटना’bout थप अनुसन्धान भइरहेको र आगलागीको कारण पत्ता लगाउने प्रयास भइरहेको बर्दिया प्रहरीले जनाएको छ । पछिल्लो समय लामो दूरीमा सञ्चालन हुने सार्वजनिक सवारीसाधनमा प्राविधिक समस्या तथा आगलागीका घटना देखिँदै आएकाले सवारीसाधनको नियमित प्राविधिक परीक्षण र मर्मतमा ध्यान दिनुपर्ने देखिएको छ ।

सम्बन्धित समाचार

धनगढीमा ‘भलमन्सा प्रथा संरक्षण तथा विकास ऐन २०८३’ वारे अभिमुखीकरण धनगढीमा सर्प उद्धार अभियान : ३ वर्षमा ४ हजार ८३६ सर्पको उद्धार धनगढीमा टोल, चोक र सार्वजनिक स्थलको नाम जथाभावी परिवर्तन गर्न रोक बाजुरामा पहिरोले सडक र विद्युत् अवरुद्धः जनजीवन प्रभावित चीन–नेपाल जोड्ने केरुङ नाका यही स्थानमा किन बन्यो ? शुक्लाफाँटामा हात्तीले दुई घर भत्कायो प्रहरी जवान जबरजस्ती करणी मुद्दामा पक्राउ सेती नदीमा कुकुर फालेको आरोपमा महिला पक्राउ