काठमाडौं । न्यायपरिषद्ले सर्वोच्च अदालतमा तीन जना न्यायाधीशको नाम सिफारिस गरेको छ ।

सिफारिस हुनेमा वरिष्ठ अधिवक्ता मेघराज पोखरेल, उच्च अदालत जनकपुरका मुख्य न्यायाधीश श्रीकान्त पौडेल, उच्च अदालत दीपायलका मुख्य न्यायाधीश शान्तिसिंह थापा छन् । मंगलबार बसेको न्याय परिषद्को बैठकले उनीहरूलाई सिफारिस गरेको हो ।

पहिलो नम्बरमा सिफारिस भएका पोखरेल सर्वोच्च अदालत बार एसोसिएसनका अध्यक्ष पनि हुन् । उनी कम्पनी तथा वाणिज्य कानुनका विज्ञ मानिन्छन् ।

यसपटक एमालेको कोटाबाट एक जना न्यायाधीश हुने कानुन व्यवसायीको नाम टुंगो नलागेपछि खाली राखेर बाँकी तीन जना सिफारिस गरिएको हो । पहिलो नम्बरमा सिफारिस भएका पोखरेल भने कांग्रेसको कोटामा परेका हुन् ।

उनी यसअघि कांग्रेसनिकट कानुन व्यवसायीकै समूहबाट सर्वोच्च बार एसोसिएसनको अध्यक्षमा निर्वाचित भएका थिए ।

सर्वोच्च अदालतमा चार जना न्यायाधीशको पद रिक्त छ । तर, एउटा सिट खाली राखेर तीन जना मात्र सिफारिस गरिएको छ । जबकि, संविधान र कानुनले पद रिक्त राख्ने छुट दिएको छैन । कुनै न्यायाधीश नियमित अवकाशमा गएर पद रिक्त हुँदै छ भने एक महिनाअगावै पदपूर्तिको व्यवस्था गर्नुपर्ने कानुनी व्यवस्था छ ।

त्यस्तै, अपर्झट कुनै कारणले न्यायाधीश पद रिक्त हुन गएमा त्यसको एक महिनाभित्र नयाँ नियुक्ति गरिसक्नुपर्ने व्यवस्था छ । परिषद्ले उनीहरूको नाम संसदीय सुनुवाइका लागि पठाइसकेको छ । संसदीय सुनुवाइपछि राष्ट्रपतिले न्यायाधीश नियुक्त गर्नेछन् ।

सम्बन्धित समाचार

एसियाली सम्मेलनमा युनिभर्सिटी प्रेसको पुस्तक प्रदर्शनी ५० लाखको राजधानी ग्राहक योजना अमेरिकाबाट डिपोर्ट गरिएका ३७ नेपाली काठमाडौं आइपुगे सप्तरीमा मापदण्ड विपरितका विद्यालय दर्जन बढी ५० लाखको राजधानी ग्राहक योजना संस्कृति मास्न सरकार नै उद्यत रहेको संस्कृतिविद्को आरोप शिवराज: पाठेघर समस्यामा बस्तीमै उपचार सेवा राष्ट्रिय फूल लालीगुराँस जोगाउन बृक्षारोपण हिमानी र हृदयेन्द्र किन जुम्ला जाँदैछन् ? अमेरिकामा चार नेपालीको गोली प्रहारबाट मृत्यु