काठमाडौं । नेकपा एमालेका केन्द्रीय तहका नेता र पूर्वमन्त्रीहरूको एउटा समूहले गृहमन्त्री ओमप्रकाश अर्याललाई ‘सम्हालिएर अघि बढ्न’ लिखित सुझाव दिएका छन् । पूर्वमन्त्रीसमेत रहेकी एमाले केन्द्रीय सदस्य भगवती न्यौपाने, पोलिटब्युरो सदस्य शान्ता चौधरी, केन्द्रीय सदस्यहरू पार्वती रावल, अइन्द्रसुन्दर नेम्वाङ, गोविन्द थापा र डा. सुन्दरी पोखरेलले गृहमन्त्री अर्याललाई ६बु ँदे चेतावनी पत्र लेख्दै यस्तो सुझाव दिएका हुन् ।

उनीहरूले गृहमन्त्रीको भूमिकामा प्रश्न उठाउँदै जेनजी आन्दोलनका क्रममा भएको घुसपैठ, धरपकड, हतियार लुट्ने समूहको खोजी, आगजनीमा संलग्नमाथिको कारबाहीलगायतका विषयमा दैनिक जानकारी गराउन आग्रहसमेत गरेका छन् ।

उनीहरूले ‘गृहमन्त्री अर्यालको शैली गुण्डागर्दी भएको, दादागिरीको जस्तो भएको पत्रमा उल्लेख गर्दै एकातिर निवर्तमान प्रधानमन्त्री केपी शर्मा ओलीलाई पक्रन्छु भन्दै धम्की दिने र अर्को तर्फ उनको ज्यानको सुरक्षा नहुने’भन्नेखाले अभिव्यक्ति दिएको आरोप पत्रमा उल्लेख छ । ‘पक्रने धम्की दिएपछि पक्रने उपाय खोज्नुहुन्छ, उपाय नभेटेपछि फेरि पक्रने धम्की दिनुहुन्छ । फेरि पक्रने उपाय खोज्नुहुन्छ ।

पक्रने उपाय खोज्ने र धम्की दिने काममै तपाई ंले समय बिताइरहनुभएको छ । राजनीतिक दलका नेताहरूलाई बदनाम बनाउने, उनीहरूलाई असुरक्षित बनाउने कामको नेतृत्व तपाई ंले नै लिनुभएजस्तो देखिन्छ । एउटा गृहमन्त्रीका रूपमा तपाईंका यस्ता हर्कत जनतालाई कुनै पनि हालतमा स्वीकार्य हुँदैन,’ चेतावनीपत्रमा भनिएको छ ।

उनीहरूले टीओबी (तिब्बत ओरिजिन ब्लड) का केही सदस्यहरू पक्राउ परेपछि उनीहरूको अन्तर्राष्ट्रिय र राष्ट्रिय कनेक्सन खोज्न चासो नदेखाएको, नखोज्न दबाब दिएको जस्ता गम्भीर आरोप गृहमन्त्रीमाथि लगाएका छन् । ‘जेनजी पुस्ताको आन्दोलन र आक्रोश एउटा पाटो हो, अपराध, आगजनी, तोडफोड, भौतिक आक्रमण, लुटपाट, डकैती, जेल ब्रेक अर्को पाटो हो ।’

यी सबै घटनालाई एउटै डालोमा हाल्ने अधिकार तपार्ई ंलाई कसले दियो ? लोकतान्त्रिक अधिकारको उपभोग गर्दै आन्दोलन गर्न गएका जेनजी पुस्ता र मौका यही हो भन्दै अपराध गर्न गएकाहरूलाई एउटै ठान्नु कुन नैतिकताले दिन्छ ? के तपाईं आन्दोलनमा गएका सबै जेनजीहरू अपराधी हुन् भन्ने स्थापित गर्न चाहनुहुन्छ ? कृपया यस्तो दुष्प्रयास नगर्नु होला,’ पत्रमा उल्लेख छ ।

पालमा एमाले कार्यालय
नेकपा एमालेको च्यासलस्थित केन्द्रीय कार्यालयमा आगजनी भएपछि शनिबारबाट पाल टाँगेर कार्यालय सुचारु गरिएको छ । जेनजी आन्दोलनका क्रममा एमाले कार्यालयमा आगजनी भएपछि कार्यालयबाट नियमित काम भएका थिएनन् । शनिबारबाट पाल टाँगेर कार्यालय सञ्चालन गरिएको र क्षतिग्रस्त भवन क्रमशः मर्मत भइरहेको एमालेको दाबी छ ।

भाडामा लिइएको भनिएको सो कार्यालय भवन तुलसीलाल स्मृति प्रतिष्ठानको स्वामित्वमा छ । एमालेका लागि कीर्तिपुरमा भाटभटेनीका मालिक मीनबहादुर गुरुङले जग्गा दान दिएर भवन बनाइदिने घोषणा गरिसकेका छन् । दसै ँअघि नै भवन बनाउन थाल्ने उनको घोषणा थियो । तर जेनजी आन्दोलनपछि अवस्था फरक भएकाले गुरुङ अहिले एमाले कार्यालय बनाउने अभियानबाट एक कदम पछि हटेका छन् ।

भाटभटेनीका १२ भन्दा बढी शाखामा आगजनी भएपछि उनले एमाले कार्यालय’bout थप बोलेका छैनन् । एमालेले बल्खुस्थित मदन भण्डारीका नाममा बनेको कार्यालय पनि अहिलेसम्म अलपत्र छाडेको छ ।

सम्बन्धित समाचार

नेतृत्व जोगाउने कि पार्टी ? राप्रपा अध्यक्ष लिङ्देनमाथि चोरीको आरोप लगाउने दुर्गा प्रसाईंविरुद्ध कानुनी उपचार खोज्न सुझाव ओली निरन्तरता अनुमोदन गर्न एमाले बैठक मधेस प्रदेशका नवनियुक्त मुख्यमन्त्री सोनलद्वारा शपथ ग्रहण फागुन २१ को चुनाव वैशाखमा सार्न कांग्रेस बैठकमा प्रस्ताव कूटनीतिज्ञलाई प्रधानमन्त्रीको सन्देशः ‘हामी सही बाटोमा छौं’ स्वच्छ र निष्पक्ष रूपमा निर्वाचन हुन्छ भन्ने विश्वास दिलाउन लागौँः राष्ट्रपति पौडेल गुण्डुमा ‘ओलीकुटी’ बन्ने, बालकोटको घर मर्मत नहुने