काठमाडौं । मलेसियाको कम्पुङ सेकोलाह जुरुमा एक महिला र उनकी छोरीको हत्यामा संलग्न भएको आरोपमा पक्राउ परेका तीन नेपाली पुरुष पक्राउ परेका छन्। मलेसियाको पेनाङका प्रहरी प्रमुख दातुक अजीजी इस्माइलले बुकित मेर्तजाम मजिस्ट्रेटको अदालतले शनिबारदेखि अक्टोबर ३१ सम्म हिरासतमा राख्न आदेश दिएको जानकारी दिए।
मुख्य हत्यारा मानिएका एक जना विदेश भाग्ने प्रयास गर्दागर्दै अध्यागमन कार्यालयबाट परे प्रहरीको फन्दामा
मुख्य संदिग्धलाई विदेश भाग्ने प्रयास गर्दा अध्यागमन कार्यालयमा हिरासतमा लिइएको थियो। अन्य दुई संदिग्धहरूलाई बुकिट तेंगाहको एक निवासबाट पक्राउ गरिएको प्रहरीले जनाएको छ। प्रहरीका अनुसार ५१ वर्षीया सारिया चे हिन र उनकी धर्मपुत्री ११ वर्षीया नूर अफरीना अलिशा अब्दुल रहीम कम्पुङ सेकोलाह जुरुको एक घरमा मृत फेला परेका थिए।
सारियाको शव घरको भुइँ तल्लाको भान्छामा फेला परेको थियो। उनकी छोरीको शव भाडामा लिएको सम्पत्तिको माथिल्लो तल्लामा फेला परेको थियो। घटनापछि, प्रहरीले अनुसन्धानमा सहयोग गर्न मृतकका ५७ वर्षीय पति सहित तीन संदिग्धहरूलाई पनि पक्राउ गरेर अनुसन्धान गरिरहेको जनाएको छ।
उनीहरुलाई हत्याको लागि दण्ड संहिताको धारा ३०२ अन्तर्गत अनुसन्धान भइरहेको प्रहरी प्रमुख अजीजी इस्माइलले बताए । प्रहरीले ती तीन जना नेपाली ३० देखि ४० वर्ष उमेर रहेका छन् भने एक जना मुख्य संदिग्ध रहेको प्रहरीले जनाएको छ। पक्राउ परेका तीन नेपालीको परिचय भने गोप्य राखिएको छ।
उनीहरु अहिले मलेसियाको जेलमा १ सय ६४ जना नेपाली विभिन्न मुद्दामा जेल जीवन बिताइरहेका छन् । क्वालालम्पुरस्थित नेपाली दूतावासका अनुसार हत्या अभियोगमा १९ ,फौजदारीमा ३१,लागुऔषधमा २८, लागुऔषध र मिश्रित २१ र आप्रवासन सम्बन्धी मुद्धामा ६५ जना नेपाली रहेका छन्।
