बारा । नेपाल कम्युनिष्ट पार्टी एमालेको देशव्यापी कार्यक्रम अन्तर्गत बारामा पनि प्रतिगामी षडयन्त्र विरूद्ध जिल्लास्तरीय जनप्रदर्शन तंआ जनसभा कार्यक्रमको आयोजना गरिएको छ ।

कार्यक्रममा बोल्दै प्रमुख अतिथि पार्टी इन्चार्ज ज्वाला कुमारी साहले जेनजीको नाममा देशमा आगो लगाएकोलाई देशद्रोह मुद्दा लगाउनुपर्ने बताईन । जेनजीको माग पुरा गर्न बनाइएको एनजीओको सरकार सतामा लिप्त रहेको आरोप लगाइन ।

नेकपा एमाले जनताको पार्टी रहेकोले जनतासंगै एमाले रहेको बताईन । चुनावमा जान आफुहरु तैयार रहेको समेत जानकारी गराईन । एनजिओको सरकारले समय मै चुनाव गराउन नसक्ने बताईन ।

त्यस्तै पुर्व मन्त्री किसान श्रेष्ठले एकीकृत समाजवादीबाट नेकपा एमाले पार्टीमा क्षमा माग्दै पार्टी प्रवेश गरेका छन् । जेएनजीको नाममा व्यक्तिगत सम्पत्तिमा आगजनीबाट नियन्त्रण गर्न नसक्ने प्रशासनलाई त्यसको मुल्य चुकाउनु पर्ने चेतावनी समेत दिएका छन् ।

प्रतिगामी षडयन्त्र विरूद्ध जिल्लास्तरीय जनप्रदर्शन तथा जनसभा कार्यक्रम अध्यानन्द पाण्डेको अध्यक्षतामा भएको कार्यक्रममा पुर्व मन्त्री पुरुषोत्तम पौडेल, अच्युत मैनाली, महमद समिर, प्रसौनी गाउपालिकाका मेयर विनोद जैयसवाल, जलन्धर सिह लगायत जिल्लाका हजारौ कार्यकर्ताहरूको सहभागिता रहेको थियो । कार्यक्रम संचालन पार्टी सचिव अमृत शर्मा बजगाईले गरेका थिए ।

सम्बन्धित समाचार

देश जलाउनेलाई देशद्रोही मुदा लगाई देश निकाला गर्नुपर्छ : पुर्वमन्त्री साह निकास र विकासमा असफल प्रधानमन्त्री सुशिला कार्कीलाई राजीनामा दिन जेनजीको सुझाव मधेशमा मुख्यमन्त्रीको गोप्य नियुक्तिलाई प्रभु साहले दिए अनैतिकताको संज्ञा मधेश प्रदेशमा आ–आफ्नै डम्फू प्रतिनिधिसभा पुनर्स्थापनाको माग गर्दै बारा एमाले सडकमा