काठमाडौं । जेनजी आन्दोलनका क्रममा गत भदौ २४ गते कारागारबाट भागेका दुई कैदीलाई प्रहरीले पक्राउ गरेको छ।

ललितपुरको बागमती गाउँपालिका १ हसेलका ४१ वर्षीय अशोक लो र रामेछापको लिखु तामाकोशी गाउँपालिका –५ का २१ वर्षीय अजयका नामले परिचित संजय तामाङलाई पक्राउ गरिएकोकाठमाडौं उपत्यका अपराध अनुसन्धान कार्यालयले जनाएको छ । प्रहरीका अनुसार, अशोकलाई कर्तव्य ज्यान मुद्दामा अदालतले २५ वर्ष कैद तोकेको थियो ।

उनलाई काठमाडौंको दक्षिणकाली नगरपालिका-८ केराबारीबाट पक्राउ गरिएको प्रहरी उपरीक्षक रामेश्वर कार्कीले बताए। अशोकलाई नख्खु कारागार पठाइएको छ ।

त्यस्तै, संजयलाई चोरी मुद्दामा पुर्पक्षका लागि जेल चलानको आदेश भएको थियो। उनलाई भक्तपुरको चागुनारायण नगरपालिका–३ बाट पक्राउ गरिएको हो । उनलाई केन्द्रीय कारागार, जगन्नाथदेवल पठाइएको एसपी कार्कीले बताए ।

सम्बन्धित समाचार

दुर्गा प्रसाईं पक्राउ मध्यरातमा यसरी लुटपाट मच्चाउथ्यो विनय तामाङको समूहले चार वर्षपछि प्रहरी रासनमा राहत ईश्वर पोखरेल काठमाडौं ५ बाट निर्वाचन लड्ने दुर्गा प्रसाईं हाजिर जमानीमा रिहा श्रीमतीको हत्या गरेर फरार एकजना पक्राउ अमेरिकाबाट ९० जना नेपाली डिपोर्ट विपद् व्यवस्थापन तालिम शिक्षालयलाई रनिङ अवार्ड