मुम्बई । भारतीय चलचित्र ‘कल्की २८९८ एडी’ को सिक्वेल ‘कल्की २८९८ एडी–२’ मा अभिनेता कमल हासनले अहिलेसम्मकै सबै भन्दा महंगो पारिश्रमिक लिएका छन् । उनले बलिउड चलचित्रमा सर्वाधिक महंगो पारिश्रमिक लिएको निर्माण पक्षको दाबी छ ।

यो चलचित्रमा उनको भूमिका प्रभावशाली भएको निर्माण पक्षको कथन छ । यसैबिच, चलचित्रका निर्माता तथा अभिनेता युगी सेतुले एक अन्तर्वार्तामा हासनको पारिश्रमिकको ’boutमा खुलासा गरेका छन् ।

युगी सेतुले भारतीय मिडियासँग कुरा गर्दै हासनले यो चलचित्रको लागि ठुलो पारिश्रमिक पाउने गरी सम्झौता गरेको दाबी गरे । उनका अनुसार, हासनलाई चलचित्रको यस अघि पहिलो सिक्लेलमा एक दिनको छायांकनको लागि लगभग १० करोड रुपैयाँ अर्थात १० लाख अमेरिकी डलर दिइएको थियो । यही पारिश्रमिकको कारण हासनलाई भारतको सबैभन्दा धेरै पारिश्रमिक लिने कलाकारहरू मध्ये एक बनायो ।

चलचित्रका निर्माता सी. अश्विनी दत्तलाई भेटेपछि, उनले वास्तविक पारिश्रमिकको ’boutमा थप जानकारी पाए । युगी सेतुले भने,‘कमल सरको हैसियत उही स्तरमा छ । उहाँले कलकी २८९८ एडी–२ को लागि, छायांकन अवधि १५ दिनको लागि लगभग १५० करोड रुपैयाँ पारिश्रमिक पाउँदै हुनुहुन्छ ।’

युगीका अनुसार, उनले जन्मदिनको शुभकामना दिँदै हासनलाई भारतको सबैभन्दा धेरै पारिश्रमिक लिने अभिनेताको रुपमा समेत सम्बोधन गरेका छन् । जवाफमा अभिनेता हासनले मुस्कुराउँदै उनको भनाइलाई स्वागत गरे । युगीका अनुसार सुरुवाती १५ दिनको कामको पारिश्रमिक १५० करोड रुपैयाँ दिने सम्झौता भएको थियो । छायांकनको अवधि बढेमा हासनको पारिश्रमिक पनि बढ्दै जाने उनले बताए ।

यसअघि सार्वजनिक गरिएका विभिन्न रिपोर्टहरू अनुसार, हासनले ‘कल्की २८९८ एडी’को लागि आफ्नो भूमिकाको लागि १०० करोड रुपैयाँ भन्दा बढी पारिश्रमिक लिइएको खुलासा भएको थियो । सो कुरा यति बेला निर्माण पक्षले पनि खुलासा गरेका छन् । यस अघि हासनले यो चलचित्रमा १० दिन मात्र छायांकन गरेका थिए । जसमा उनको दैनिक पारिश्रमिक १० करोड थियो ।

निर्माण पक्षले गुपचुप रूपमा अहिले ‘कल्की २८९८ एडी–२’कोे छायांकन गरिरहेको छ । यो चलचित्रमा अमिताभ बच्चन र कमल हासनले सँगै छायांकन गरिरहेका थिए । अमिताभले भने आफ्नो छायांकन सकेर गत शनिवार आफू मुम्बई फर्केको यस अघि नै खुलासा गरिसकेका छन् । कमल हासन भने अहिले यो चलचित्रको छायांकन मै छन् ।