काठमाडौं । सर्वोच्च अदालतले पूर्वगृहमन्त्री रमेश लेखकलाई रिहाइको आदेश दिन अस्वीकार गरेको छ । सर्वोच्चले उनलाई पक्राउ गर्नुको कारण पेस गर्न सरकारका नाममा आदेश जारी गरेको छ । 

न्यायाधीश कुमार रेग्मीको इजलासले सोमबार सो आदेश जारी गरेको हो । लेखक पक्राउ परेपछि उनकी पत्नी यशोदाले गैरकानुनी थुनामा राखिएको भन्दै सर्वोच्च अदालतमा बन्दीप्रत्यक्षीकरणको निवेदन दिएकी थिइन् । 

पूर्वगृहमन्त्री लेखकलाई शनिबार बिहान प्रहरीले पक्राउ गरेपछि पत्नी यशोदाले आइतबार बन्दीप्रत्यक्षीकरणको निवेदन दिएकी थिइन् ।