काठमाडौं । विश्व कीर्तिमानी आरोही कामिरिता शेर्पाले ३२ औंपटक सगरमाथाको सफल आरोहण गरेका छन् । उनले आइतबार बिहान १० बजेर १२ मिनेट जाँदा विश्वको सर्वोच्च शिखर सगरमाथाको सफल आरोहण गरेको सेभेन समिट ट्रेक्सले जनाएको छ ।

‘३२औं पटक सफल आरोहणपछि कामिरिता र उनको टोली अहिले आधार शिविरतर्फ ओर्लिने क्रममा छन्,’ सेभेन समिट ट्रेक्सले आफ्नो फेसबुक पेजमा लेखेको छ, ‘उनको सुरक्षित अवतरणको कामना गर्दै काठमाडौंमा उनको भव्य स्वागतको तयारी गरिँदैछ ।’

कामिरिता सबैभन्दा धेरैपटक सगरमाथा आरोहण गर्ने विश्व कीर्तिमानी पनि हुन् । ‘एभरेस्ट म्यान’को उपनामले समेत चिनिने उनले सन् १९९४ देखि सगरमाथा आरोहणको यात्रा सुरु गरेका थिए ।

कामिरितालाई नेपालको राष्ट्रिय गौरव मात्र नभई विश्व पर्वतारोहण समुदायकै एक सर्वोत्कृष्ट प्रतीकको रूपमा लिइन्छ । उनले सन् २०२६ सम्म आइपुग्दा पर्वतारोहणको क्षेत्रमा अद्वितीय र अतुलनीय सफलता हासिल गरिसकेका छन् । 

सम्बन्धित समाचार

स्रोत नखुलेको रु २७ लाखसहित दुई पक्राउ मन्त्रिपरिषद बैठक सिंहदरबारमा जारी कांग्रेसद्वारा संसद समन्वय बोर्डको बैठक आह्वान संघीय संसद बैठक २८ वैशाखदेखि बोलाउन राष्ट्रपतिसमक्ष सिफारिश प्रधानमन्त्रीको अवैतनिक स्वास्थ्य सल्लाहकारमा चिकित्सा शिक्षाविद् अग्रवाल नियुक्त संघीय संसद् सचिवालयका ट्रेड युनियन खारेज राममन्दिर नजिकै ३६ ह्यान्ड ग्रिनेट ३ थान फेला राष्ट्रपति पौडेलले गरे मन्त्रिपरिषद् हेरफेर