राजविराज । राजविराज नगरपालिकाका कार्यवाहक नगरप्रमुख इसरत परवीनले नापी कार्यालयको फिल्डबुकमा देखिएको रेकर्ड अनुसार नगरवासीलाई अविलम्ब लालपुर्जा वितरण गर्नुपर्ने कुरामा आफू प्रतिवद्ध रहेको दोहोर्याएकी छिन् ।

आन्दोलन परिचालन समतिले भन्यो “७ दिने अल्टिमेटम सकिन लाग्यो, आन्दोलनमा जान बाध्य नपारियोस्”

नगर स्थापनाकाल देखि नै बसोबास गर्दै आएका करिब ५ हजार २ सय परिवार लालपुर्जा प्राप्तिका लागि संघर्ष समिति नै गठन गरी चरणबद्ध रुपमा दवावमुलक कार्यक्रम गरिरहेका बेला कावा नगरप्रमुख परवीनले यस्तो प्रतिवद्धता दोहोर्याएकी हुन् । बिहीबार राजविराज नगरपालिका कार्यालयमा लालपुर्जा प्राप्तिका लागि गठित जनआन्दोलन परिचान समितिका पदाधिकारी तथा नापी र मालपोत कार्यालयका प्रमुख सम्मिलित वार्तामा उनले यस्तो प्रतिवद्धता देहोर्याएकी छन् ।

जनआन्दोलन परिचानलन समितिले प्रमुख जिल्ला अधिकारी मार्फत प्रधानमन्त्री देखि सरोकारबाला निकाय सम्म ६ दिन अघि ७ दिने अल्टिमेटम सहितको ध्यानाकर्षण पत्र बुझाएको छैठौं दिन बसेको छलफल र वार्ता बैठकमा कार्यवाहक नगरप्रमुख परवीनले नापी कार्यालयका प्रमुख शत्रुघन प्रसाद यादवलाई नापी कार्यालयको रेकर्डमा गाउँब्लक जग्गा देखिएकाले सोही आधारमा लालपुर्जा वितरण प्रकृया सुरु गर्न सुझाव दिए ।

नापी कार्यालयका प्रमुख यादवलाई इङ्गित गर्दै उनले भनिन्–“तपाईले फिल्ड बुक अनुसार गाउँब्लकको जग्गा भनी पटक–पटक सूचना पनि जारी गरि सक्नु भएको छ, कसैको हक, दावी, विरोध पनि परेको छैन, अनि लालपुर्जा वितरणमा कसले रोकेको छ ?”

उनले लालपुर्जा वितरण प्रकृयामा कुनै समस्या भए नगरपालिकाले हर तबरबाट सहयोग गर्ने प्रतिवद्धता जनाउँदै अव कुनैपनि बहानामा आलटाल गर्न नहुने भन्दै नापी कार्यालयका प्रमुख यादवलाई सचेत पनि गराए । उनले आफ्नै कार्यकालमा नगरवासीले लालपुर्जा प्राप्त गरुन् भन्ने मनसायका साथ राजविराज नगरपालिकाको नगरसभाबाट समेत निर्णय नै पारित गरी नापी कार्यालयलाई लालपुर्जा प्रदानका लागि सिफारिश गरि सकिएको स्मरण गराईन् ।

नापी कार्यालयका प्रमुख यादवले नगर स्थापना भएको २०१६ साल देखि नै बसोबास गर्दै आएका नगरवासीलाई लालपुर्जा दिनुपर्छ भन्ने आफ्नो पनि मनसाय रहेको भन्दै नगरसभाबाट गरिएको सिफारिशमा बिटौरी शब्द उल्लेख भएका कारण समस्या भईरहेको बताए । उनले नगरपालिकाले गरेको सिफारिश पत्रमा “बिटौरी” शब्द झिकिदिए लालपुर्जा प्रदान गर्न सहज हुने बताए । यद्यपी पुनः यस’bout शुक्रबार राजविराज नगरपालिका, नापी कार्यालय, मालपोत कार्यालय र जनआन्दोलन परिचालन समितिका पदाधिकारीको बैठक बसेर अन्तिम टुङ्गो लगाउने निष्कर्ष निकालिएको जनआन्दोलन परिचालन समितिका संयोजक खेलानन्द दासले जानकारी दिए ।

बैठकमा उनले केही समय अघिमात्र जिल्लाको सप्तकोशी नगरपालिकाको फत्तेपुर बजारमा यस्तै प्रकृतिको जग्गाको लालपुर्जा प्रदान गरिएको प्रमाण पेश गर्दै अव पनि ढिलाई भए ७ दिने अल्टिमेटमको म्याद सकिएको भोली पल्टै चरणबद्ध आन्दोलनका कार्यक्रमको घोषणा गर्ने स्पष्ट पारेका छन् ।

छलफल र वार्ता बैठकमा जिल्ला समन्वय समिति सप्तरीका प्रमुख शिवनाराण साह, संघर्ष समितिका बिरेन्द्र साह, लुकाई अन्सारी, घनश्याम दास, बिरेन्द्र गुप्ता, उद्योग बाणिज्य संघका महासचिव अमृत संचेती लगायतले पनि बोल्दै बर्षौं देखि लालपुर्जा विहिन नगरका ५ हजार २ सय भन्दा बढी परिवारलाई अविलम्ब लालपुर्जा प्रदान गरिनुपर्नेमा जोड दिएका थिए ।

सम्बन्धित समाचार

लालपूर्जा तथा खोसिएको अधिकार माग्दै नगरवासी उत्रे सडकमा सप्तरीका सुकुम्वासी सडकमा बालेनले विधि मासेर बल र संविधान छलेर सेनाको आडमा शासन गर्न खोजे : प्रभु साह ‘हाम्रो धनगढी, सफा धनगढी’ मा बढ्दो जनसहभागिता विजयनगर गाउँपालिका पुर्ण खोप सुनिश्चित घोषणा ‘क्यान्सरसँगका मेरा अनुभूति’ लोकार्पण अर्घाखाँचीमा भएको बस दुर्घटनामा मृत्यु हुनेको सङ्ख्या ४ पुग्यो, २७ घाइते मौलापुर नगरपालिकाको एसइइ परीक्षा उत्तीर्ण ९०.२३ प्रतिशत