काठमाडौं । आजदेखि काठमाडौंमा सुरु भएको आईसीसी विश्वकप लिग–२ क्रिकेट प्रतियोगितामा दीपेन्द्रसिंह ऐरीको अर्धशतकमा नेपालले संयुक्त अरब इमिरेट्स (युएई)लाई जितका लागि २०१ रनको चुनौती दिएको छ ।

कीर्तिपुरस्थित त्रिवि मैदानमा जारी खेलमा ‘टस’ हारेर पहिला ‘ब्याटिङ’को निम्तो पाएको नेपालले ४८ दशमलव दुई ओभरमा सबै ‘विकेट’ गुमाउँदै २०० रनको योगफल बनायो ।
नेपालका लागि दीपेन्द्रसिंह एरीले सर्वाधिक ७५ रनको योगदान दिए । उनले ९० बलमा पाँच चौका र दुई छक्कासहित ७५ रन बनाएका हुन् ।

नेपालको सुरुआत कमजोर रहँदा आसिफ शेख सात रनमै आउट भए भने कप्तान रोहित पौडेल केवल दुई रनमा पवेलियन फर्किए । त्यस्तै, कुशल भुर्तेलले २४ रन, बसिर अहमदले २० रन र करण केसीले २२ रनको योगदान दिए ।

अन्य खेलाडीहरूमा भीम सार्कीले १० तथा आरिफ शेखले र सोमपाल कामीले समान १५÷१५ रन बनाए । बलिङतर्फ युएईका जुनैद सिद्दिकी, अजय कुमार र खुजैमा तनवीरले समान तीन विकेट लिए ।
यूएई अहिले जवाफी ब्याटिङमा उत्रेको छ ।

सम्बन्धित समाचार

एक वर्षमा सात हजार ६४८ विपद्का घटनाः सबैभन्दा बढी आगलागीका यु–१६ क्रिकेटः बैतडीमा निःशुल्क प्रशिक्षण महाधिवेशनमा जुट्यो रास्वपा प्रधानमन्त्री कपः आजको खेलमा गण्डकी प्रदेश विजयी बुर्काको आवरणमा मानव बेचबिखनको जाल सम्पत्ति छानबिन गर्न २०४७ पछि चौथो संयन्त्र ‘महिला फुटबल खेलाडीले चन्द्रनिगाहपुरको पहिचान बनाए’ भानुआतुले नेपाललाई दियो ९८ रनको लक्ष्य