मुम्बई । केही दिन यताबाट अभिनेत्री दीपिका पादुकोण गर्भवती भएको एउटा तस्बिर भाइरल भएको छ । यो तस्बिर आएसँगै अभिनेत्री दीपिका पादुकोण फेरी आमा बन्न लागेकी हुन भनेर उनलाई प्रशंसकहरूले प्रश्न गरिरहेका छन् । उनी फेरी आमा बन्न लागेको गसिप समाचार पनि यति बेला बाहिर आएको थियो ।

तर, आफू फेरी आमा बन्न लागेको चर्चा गलत भएको यी अभिनेत्रीले बताएकी छिन् । उनले यति बेला आफू चलचित्र ‘किङ’को छायांकनमा रहेको पनि जनाएकी छिन् । अहिले नै फेरी आमा बन्ने कुनै योजना नभएको पनि दीपिकाको कथन छ ।

त्यसको लगत्तै शाहरुखले उनलाई गर्भवती अवस्थामा अंकमाल गरेको तस्बिर सार्वजनिक भएको छ । यो तस्बिर आएसँगै दीपिका दोस्रो पटक गर्भवती नभएको कुरा पुष्टि भएको छ । शाहरुख खान र दीपिका पादुकोण अहिले दक्षिण अफ्रिकामा आफ्नो चलचित्र ‘किङ’को छायांकनमा व्यस्त छन् । सुटिङको भाइरल भएको एउटा भिडियोमा शाहरुखले गर्भवती दीपिका पादुकोणलाई सहयोग गरिरहेको देखाइएको छ ।

यो भिडियो आउनुभन्दा पहिले, चलचित्र ‘किङ’ का केही तस्बिरहरू सार्वजनिक भएका थिए । त्यही तस्बिरमा अभिनेत्री दीपिका गर्भवती देखिएकी थिइन् । यसैबिच यसका निर्देशक सिद्धार्थ आनन्दले ‘किङ’को तस्बिर र भिडियोहरू सार्वजनिक भएकोमा असन्तुष्टि व्यक्त गरेका छन् । उनले इन्स्टाग्राममा लेख्दै सेटबाट कुनै पनि फोटो वा भिडियो अनलाइन सेयर नगर्न प्राविधिक तथा चलचित्रको छायांकन हेर्न आउने प्रशंसकहरूलाई आग्रह गरेका छन् । चलचित्रको तस्बिर सार्वजनिक गर्दा कथा खुल्ने भएकाले यसो नगरिदिन उनले अनुरोध गरेका हुन् ।

चलचित्र ‘किङ’ मा शाहरुख खानले एक क्रूर हत्याराको भूमिका निर्वाह गरेका छन्। उनकी छोरी सुहाना खानले शाहरुखको चेलीको भूमिका निर्वाह गर्दै छिन् । यस चलचित्रमा अभिषेक बच्चन, रानी मुखर्जीको पनि मुख्य भूमिका छ । चलचित्र ‘किङ’ आउँदो क्रिसमसमा रिलिज हुने बताइएको छ ।

सम्बन्धित समाचार

दुई दशकपछि चलचित्रको पर्दामा उत्तम र निरुताको जोडी ‘लाइफ ड्यामेज’प्रति आशावादी सुरक्षा जो सुन्दरी प्रतियोगितामा ताज जितेपछि नायिका बने कर्णाली चलचित्र महोत्सव सम्पन्न अभिनेता रणवीर सिंहले अदालतमै माफी मागेपछि टुंगिँदै मुद्दा चीनमा नेपाली चलचित्रको प्रदर्शनमा सरकारी चासो इतिहासमा चर्केको बहस:‘अगाडि बढ्न पछाडि फर्किनुपर्छ’ मनाइयो विजय मल्ल शताब्दी