काठमाडौं । बागमती प्रदेशकी भौतिक पूर्वाधार विकासमन्त्री विनु रायमाझीले समस्याग्रस्त सहकारी र ठिक ढंगले चलिरहेका सहकारीहरुलाई एउटै दृष्टिकोणले हेर्ने प्रवृत्तिको अन्त्य गर्न आवश्यक रहेको बताएकी छन् ।

बुधवार काठमाडौंमा बागमती प्रदेश बचत तथा ऋण सहकारी संघ (बागमती प्रोस्कुन) को ७ औँ स्थापना दिवसलाई सम्बोधन गर्दै उनले यस्तो बताएकी हुन् । उनले समस्याग्रस्त सहकारीमा देखिएका समस्या समाधान तथा व्यवस्थापन गर्न बागमती प्रोस्कुनले भूमिका खेल्नुपर्ने समेत बताइन्।

उनले प्रदेशमा रहेका सहकारीमा देखिएका समस्या समाधान र व्यवस्थापन गर्न सहकारी ऐन संशोधनको चरण रहेको समेत उल्लेख गरिन ।

संशोधन प्रस्ताव मन्त्रिपरिषद्बाट पारित भइसकेको उल्लेख गर्दै उनले छिट्टै प्रदेश सभाबाट पारित हुने विश्वास समेत व्यक्त गरिन । पूर्वसहकारीमन्त्री समेत रहेकी रायमाझीले संघीय सहकारी ऐनसँग बाझिएका वा संशोधन गर्नुपर्ने विषय पहिचान गरी समायोजनका लागि सिफारिस भइसकेको समेत जानकारी दिइन् ।

उनले भनिन, ‘हामीले सहकारी ऐन संशोधन कुरा गरिरहेको थिएँ । उक्त संशोधन प्रस्ताव मन्त्रिपरिषद्बाट स्वीकृत समेत भइसकेको अवस्था छ । सहकारी क्षेत्रको हकहितको लागि र सहकारीलाई थप बलियो कसरी बनाउन सकिन्छ भनेर सरोकारावालाहरुके सुझावका आधारमा संशोधन प्रस्ताव गरिएको छ । उक्त ऐन छिट्टै आउँछ भन्ने मेरो विश्वास छ ।’

उनले सहकारी क्षेत्रमा देखिएका समस्या हल गर्न भूमिका खेल्न प्रोस्कुन बागमतीलाई आग्रह समेत गरिन ।

सम्बन्धित समाचार

नेपाल भित्रियो जेन–४ नानो–बायो टेक्नोलोजी राष्ट्र बैंकमा राजनीतिक अभिष्ट साँध्नुहुँदैनः अर्थमन्त्री डा वाग्ले बजेट शून्यताबीच सुदूरपश्चिममा राजस्व संकलन जारी आर्थिक गतिविधि विस्तारमार्फत जिडिपी बढाउने मधेसको योजना चार अर्ब ३० करोड बढी राजस्व सङ्कलन काठमाडौं-३० का लेखा अधिकृत घुसरकमसहित पक्राउ नेप्से परिसूचक सामान्य अङ्कले बढ्यो पहिरोले नारायणगढ–मुग्लिन सडक अवरुद्ध