काठमाडौं । नेपाल उद्योग वाणिज्य महासंघका पूर्वअध्यक्ष शेखर गोल्छा रिहा हुने भएका छन्।

मंगलबार म्याद थपका लागिकाठमाडौं जिल्ला अदालतमा उपस्थित गराउँदा न्यायाधीश मोना सिंहको इजलासले म्याद थप थर्न अस्वीकार गरेको हो ।

‘प्रतिवादी शेखर गोल्छालाई हिरासतमै राखी मुद्दाको अनुसन्धान गर्नुपर्ने सम्मको अवस्थाको विद्यमानता रहेको नदेखिएकोले मुलुकी फौजदारी कार्यविधी संहिता, २०७४ को दफा १४(३) बमोजिम प्रतिवादीलाई हिरासतमा राखी अनुसन्धान गर्न म्याद थप गर्न मिलेन’, आदेशमा भनिएको छ।

यसअघि सोमबार उनलाई सर्वोच्च अदालतले छाड्न आदेश दिएपनि केही समयमै पक्राउ परेका थिए । अर्कै कसुरमा अनुसन्धान गर्न भन्दै केन्द्रीय अनुसन्धान ब्युरो (सीआईबी)को टोलीले उनलाई फेरि पक्राउ गरेको थियो ।

सोमबार सर्वोच्च अदालतका न्यायाधीशद्वय महेश शर्मा पौडेल र श्रीकान्त पौडेलको इजलासले बन्दी प्रत्यक्षीकरणको रिटउपर सुनुवाइ गर्दै धितोपत्रसम्बन्धी कसुरमा उनलाई छाड्न आदेश दिए पनि बीमा सम्बन्धी कसुरमा प्रहरीले फेरि पक्राउ गरेको थियो ।

सम्बन्धित समाचार

सरकारले आज ३ ठाउँको सुकुम्बासी हटाउँदै तीनकुनेस्थित गैरीगाउँको सुकुम्बासी बस्तीमा पनि चल्यो डोजर ‘गल्छी–रसुवागढी सडक’का अतिक्रमण हटाउन सुरु प्रधानमन्त्री शाहले बोलाए मन्त्रिपरिषद् बैठक वडा सीमा विवाद सुल्झाउने मापदण्डको सुझावमाथि अध्ययन जारी स्रोत नखुलेको रु २७ लाखसहित दुई पक्राउ संवैधानिक परिषद्सम्बन्धी अध्यादेश पुन राष्ट्रपतिलाई पठाउने सरकारको निर्णय कांग्रेसद्वारा संसद समन्वय बोर्डको बैठक आह्वान