सोलुखुम्बु । सगरमाथा आरोहणमा जाने क्रममा लेक लागेर एक जनाको मृत्यु भएको छ । सोलुदुधकुण्ड नगरपालिका–७ निवासी विजय घिमिरे विश्वकर्माको लेक लागेर आज निधन भएको जिल्ला प्रहरी कार्यालयले जनाएको छ ।

कार्यालयका सूचना अधिकारी प्रहरी निरीक्षक विकास राईका अनुसार सगरमाथाको क्याम्प–१ क्षेत्रमा पुगेका आरोही घिमिरे आज बिहान करिब ४ः०० बजेतिर अचानक बिरामी परेका थिए ।

उनलाई तत्काल बेस क्याम्पतर्फ फर्काउने क्रममा बाटोमै निधन भएको हो । ट्रेक नेपाल कम्पनीमार्फत आरोहणमा सहभागी घिमिरेको शव हेलिकोप्टरमार्फत लुक्ला हेलिप्याड ल्याइएको र परीक्षणका लागि त्रिवि शिक्षण अस्पताल काठमाडौं ल्याउने तयारी भइरहेको प्रहरीले जनाएको छ ।

यसअघि पनि सगरमाथाको चुचुरो चुमिसकेका घिमिरे पछिल्लो समय आरोही ‘गाइड’को रूपमा समेत कार्यरत थिए ।

सम्बन्धित समाचार

‘गल्छी–रसुवागढी सडक’का अतिक्रमण हटाउन सुरु नौ वर्षपछि कसरी टुंगियो इस्मा गाउँपालिकाको केन्द्र विवाद ? वडा सीमा विवाद सुल्झाउने मापदण्डको सुझावमाथि अध्ययन जारी धनुषामा बस दुर्घटना हुँदा चालकसहित १७ जना घाइते गण्डक नहर किनारका अतिक्रमित संरचना हटाउन थालियो मौलापुरको विकास यात्रा अब देशकै सिकाइ केन्द्र बन्दै गुराँसको राजधानी भरिभराउ, होटल नपाएर फर्कँदै पर्यटक राष्ट्रपति पौडेलद्वारा सार्वजनिक खरिद अध्यादेश जारी