राजविराज । नेपाल–भारत मैत्री संघले सप्तरीको तिलाठी कोईलाडी गाउँपालिका वडा नम्बर ६ बभनगाामाकट्टी टोलका अग्नीपीडितलाई राहत वितरण गरेको छ ।
संघको केन्द्रिय कार्यालयको सहयोग र जिल्ला शाखा सप्तरीको समन्वयमा आईतवार १२ जना अग्निपीडित परिवारलाई राहत वितरण गरेको हो ।
नेपाल–भारत मैत्री संघ शाखा सप्तरीका अध्यक्ष मनोज कुमार मुन्धडाको अध्यक्षतामा आयोजित राहत वितरण कार्यक्रममा अग्निपीडित १२ जना परिवारलाई भाँडा कुँडा, साडी, झुल र खाद्यान्न लगायतका राहत सामाग्री उपलब्ध गराईएको छ ।
उक्त अवसरमा नेपाल–भारत मैत्री संघ सप्तरीका उपाध्यक्ष ओमप्रकाश शाहका साथै उदयपुर शाखाका अध्यक्ष करुणा झा, छिन्नमस्ता अस्पतालका कर्मचारी दिपेन्द्र प्रसाद यादव लगायतको पनि उपस्थिति रहेको थियो ।
गत बैशाख २६ गते राति भएको आगलागीमा उक्त वडाका १२ परिवारका २० घर जलेर नष्ट हुँदा लाखौंको क्षति भएको थियो ।
