काठमाडौं । नेपाल चलचित्र कलाकार संघको आइतबार सम्पन्न २१औ साधारण सभा तथा चुनावी अधिवेशनले नयाँ कार्यसमिति चयन गरेको छ । संघको अध्यक्षमा अग्रज हास्यव्यंग्य कलाकार उत्तम केसी (चुईचुइ पारेर) निर्वाचित भएका छन् । आइतबार राती सम्पन्न निर्वाचन परिणामबाट अर्का अध्यक्षका उम्मेदवार अभिनेता सविन श्रेष्ठलाई हराउँदै उत्तम केसी अध्यक्षमा विजयी भएका हुन् ।

कलाकार संघको दुई उपाध्यक्ष पदको लागि सम्पन्न निर्वाचनमा ६ जनाले उम्मेदवारी दिएका थिए । जस मध्येबाट कलाकार शिवहरि नेपाल वैरागी र अभिनेत्री पुजना प्रधान (स्त्री) बिजयी भएका छन् ।
सोही अधिवेशनबाट संघको महासचिवमा सुनिल कटुवाल, सचिवमा गोपाल ढकाल ‘छन्दे’, कोषाध्यक्षमा तेजुला खतिवडा र सह कोषाध्यक्षमा पवन केसी बिजयी भएका छन् ।

संघमा उत्तम र सविनको प्यानल चुनावमा उत्रिएकोमा सह कोषाध्यक्षबाहेक सबै पदाधिकारी उत्तमकै प्यानलबाट विजयी भएका हुन् । यस्तै नेपाल चलचित्र कलाकार संघको १० जना केन्द्रीय सदस्यमा कलाकारहरू दमन रुपाखेती, मोनिका दाहाल (चन्द्रकला), इन्द्रबहादुर लामा (खम्बे), लब्ली (चन्द्रकला राई), श्रीदेव भट्टराई, छुल्ठिम गुरुङ, नवीन कुमार श्रेष्ठ, जीवन थापा, रश्मी भट्ट र सुले मान शंकर (इकु) विजयी भएका छन् । १० जना केन्द्रीय सदस्यका लागि २८ जना कलाकारहरूले उम्मेदवारी दिएका थिए ।

सम्बन्धित समाचार

फिल्म ‘लालीबजार’ को प्रदर्शन रोक्न अस्विकार चलचित्र ‘आँखा’लाई ‘निर्देशन–क्राफ्ट’मा ‘गोल्ड अवार्ड’ महिला आयोग पुगेर नोराले पनि मागिन माफी प्रदान गरियो कलाकारलाई नातिकाजी राष्ट्रिय संगीत पुरस्कार सामाजिक सञ्जालमा गाली आएपछि साइबर ब्युरो पुगे रामकृष्ण महंगियो चलचित्र सम्बन्धी संघ संस्थाका उम्मेदवारी दस्तुर चलचित्र ‘आइ एम जीत बहादुर’ शीर्ष गीत सार्वजनिक ‘रोल नं १’को ट्रेलरमा बाल संघर्ष कथा