काठमाडौं । प्रधानमन्त्री बालेन्द्र शाहले युरोपेली युनियन अन्तर्गतका राजदूतसहित २३ जना कुटनीतिज्ञसँग भेटवार्ता गरेका छन्। सिंहदरबारस्थित प्रधानमन्त्री तथा मन्त्रिपरिषद कार्यालयमा मंगलबार भेटवार्ता भएको हो।

राजदूतहरुलाई मर्यादा क्रमअनुसार बैठक कक्ष व्यवस्थापन गर्न तथा अन्य आवश्यक तयारीका लागि परराष्ट्र मन्त्रालयले अघिल्लो सातादेखि नै तयारी गरेको थियो। सहसचिव नेतृत्वमा परराष्ट्रका अधिकारीहरु आज बिहादेखि प्रधानमन्त्री कार्यालयमै थिए।

प्रधानमन्त्री शाहले राजदूतहरुसँग दोस्रो पटक सामूहिक भेटघाट गरेका हुन्। यसअघि उनले राजदूतहरुसँग एक्लाएक्लै भेट्ने परम्परा तोडेका थिए। राजदूतहरुसँग सामूहिक भेटघाट गरेकोमा उनको प्रशंसा भएको थियो।

प्रधानमन्त्रीसँग भेटवार्ताका लागि मंगलबार बिहान करिब ११ बजे जर्मनी, फ्रान्स, बेल्जियम, बुल्गेरिया, साइप्रस, अष्ट्रिया, डेनमार्क, फिनल्याण्ड, इटाली, नेदरल्यान्ड्स, पोर्चुगल, स्पेन सहित युरोपेली देशका राजदूत तथा ‘डेपुटी चिफ अफ मिसन’ सिंहदरबार पुगेका थिए।

सम्बन्धित समाचार

प्रतिनिधिसभा बैठक विपक्षी दलहरूको अवरोध पत्रिका बन्द गर्न सांसद खरेललले दिएको धम्कीप्रति महासंघको आपत्ति कर्णालीका सबै नागरिकले बिमाको सेवा पाउनुपर्छ : मुख्यमन्त्री कँडेल भारतीय गृहमन्त्री साहद्वारा ४० किलो चन्दन पशुपतिनाथमा अर्पण सभामुखले विपक्षीलाई पेलेरै संसद बैठक अघि बढाए निर्माण क्षेत्रका समस्या समाधान गर्न सरकार तयारः मन्त्री लम्साल नेपालले सन्तुलित कूटनीति अपनाउनुपर्छ : मुख्यमन्त्री पाण्डे हेटौँडा सिमेन्ट उद्योग बन्द हुनु दुःखद् हो, यसलाई सरकारले चलाउँछ : मन्त्री यादव