काठमाडौं । विश्व वातावरण दिवस (जुन ५) को अवसर पारेर नेपालका विभिन्न राष्ट्रिय खेलकुद संघहरूले पर्यावरण संरक्षण र दिगो खेलकुद विकासका लागि ऐतिहासिक ऐक्यवद्धता जनाएका छन् । सातदोबाटोस्थित अल्पाइन स्पोर्ट्स नेपालको कार्यालयमा आयोजित एक विशेष छलफलमार्फत् सहभागी संघहरूले एकजुट भएर ‘क्लिन एण्ड ग्रीन स्पोर्ट्स’ अभियानलाई अगाडि बढाउने सामूहिक प्रतिबद्धता व्यक्त गरेका हुन् ।

नेपालको खेलकुद इतिहासमै वातावरण र खेलकुदलाई एकीकृत गरी यसरी सामूहिक पहल भएको यो पहिलोपटक हो ।

छलफल कार्यक्रममा अल्पाइन स्पोर्ट्स फेडेरेसन नेपाल, नेपाल क्लाइम्बिङ स्पोर्ट्स एसोसिएसन, नेपाल स्केटिङ एण्ड स्केटबोर्डिङ एसोसिएसन, नेपाल बेसबल एण्ड सफ्टबल संघ, नेपाल हक्की संघ, इ-स्पोर्टस एसोसिएसन नेपाल र नेपाल अटोमोवाइल्स एसोसिएसनका अध्यक्ष, महासचिव तथा प्रतिनिधिहरूको सक्रिय सहभागिता रहेको थियो ।

यसका साथै, नेपाल एड्भेन्चर रनिङ फेडेरेसन, नेपाल र्‍याफ्टिङ एण्ड कनोइङ एसोसिएसन, नेपाल ह्यान्डबल संघ र नेपाल कुस्ती संघले पनि यस पर्यावरणमैत्री अभियानमा आफ्नो पूर्ण ऐक्यवद्धता जनाएका छन् । विश्व खेलकुद महासंघहरूमा आबद्ध रहेका नेपाली खेल संघहरूले नेपाली खेल क्षेत्रलाई वातावरणमैत्री बनाउन र दिगो विकासमा योगदान दिन उच्च उत्साह देखाएका छन् ।

सम्बन्धित समाचार

सहिद भीमनारायण गोल्डकप सुरु, सलहेश विजयी भीमनारायण गोल्डकपः आयोजकसँग भारतको जर्जियन क्लब भिड्दै टेबलटेनिसमा नेपालकी योङ्गी पौडेल पहिलो राष्ट्रिय ‘बी’ बुद्धिचाल च्याम्पियनसिपको शीर्ष स्थानका लागि कडा प्रतिस्पर्धा बेलबारी फुटबल क्लब भीमनारायण गोल्डकपको फाइनलमा भीमनारायण गोल्डकपः उपाधिका लागि आयोजक र बेलबारी भिड्दै क्रिकेटर लामिछाने र ब्रिज कन्सल्टेन्सीबीच पाँच वर्षको सम्झौता रोकिएको गौतमबुद्ध क्रिकेट रंगशालाको काम पुनः सुरु