राजविराज । विगत २० दिनदेखि लालपूर्जाको माग गर्दै आन्दोलनरत राजविराज नगरवासीले प्रहरी दमनविरुद्ध बुधबारदेखि अनिश्चितकालिन राजविराज बन्दको आह्वान गरेका छन् । जसकारण नगरका सम्पुर्ण पसल, प्रतिष्ठान बन्द भएको छ ।

विहानै देखि सडकमा उत्रेका प्रदर्शनकारीहरुले फाटफुट रुपमा खुलेका पसलहरु समेत बन्द गराएका छन् । लालपुर्जा माग्दै एकसाता अघि राजविराज नगरपालिका कार्यालयमा लगाएको ताला प्रहरीले मंगलबार दिउँसो बलपूवर्क तोेडेपछी आक्रोसित भएका नगरवासीले आन्दोलनलाई थप आक्रमक बनाएका छन् ।

उनीहरुले ठाउँठाउँमा टायर बालेर यातायात आवागमन समेत ठप्प पारेका छन् ।

नगरवासीको तर्फबाट गठित जनआन्दोलन परिचालन समितिका संयोजक खेलानन्द दासको नेतृत्वमा बुधबारै विहान स्थानीय कृष्ण मन्दिर परिसरमा बसेको बैठकबाट आन्दोलन अझ सशक्त बनाउने निर्णय गरे लगतै आन्दोलनकारीहरु सडकमा उत्रेका छन् ।

झण्डै ७० वर्षदेखी लालपूर्जा पाउन नसकेको तथा अहिले लालपूर्जा उपलब्ध गराउन सरोकारबाला निकाय मौन भएको भन्दै उनीहरुले चरणबद्ध आन्दोलन गर्दे आएका छन् । राजविराज स्थापनाकालदेखि नै नगरको मुख्य सडक मेनरोड तथा सडकको दायाँ बाया करिब ७० विगहा क्षेत्रफलमा वसोवास गर्दै आएका ५ हजार भन्दा बढी परिवार हाल सम्म लालपुर्जा विहीन छन ।

उक्त जग्गामा वसोवास गर्दै आएकाहरुले आफ्नै लगानीमा घर, पसल लगायतका संरचना बनाएका हुन । पुस्तौ देखी जग्गा उपभोग गर्दै आए पनि कसैको नाममा लालपुर्जा अहिले सम्म बन्न सकेको छैन । यद्धपी नापी कार्यालयले ती मध्येका १७ जनालाई विभिन्न मितिमा आर्थिक लाभ लिएर लालपुर्जा प्रदान गरिसकेको जनआन्दोलन परिचालन समितिका संयोजक दासको भनाई छ ।

नापी कार्यालय राजविराजको २०२८ सालको नापी अनुसार फिल्डबुकमा पनि उक्त जग्गाहरु गाउँ–ब्लकमा रहेको स्पष्ट उल्लेख छ । उक्त जग्गामा बसोवास गर्दै आएकाहरुको नागरिक्तामा समेत वसोवास गर्दै आएको उक्त जग्गा भएको ठाउँको ठेगानामा उल्लेख छ । यस्तै विजुली, खानेपानी, नगरपालिकालाई महसुल र कर तिरेको रसिद पनि छ । तर सबै प्रमाण हुदा पनि लालपुर्जा पाउन नसकेको नगरवासीको गुनासो छ ।

सम्बन्धित समाचार

अदालतलाई कैद र जरिवानाको अर्बौं रकम तहशील गर्न सकस वर्षा, मेघगर्जन, चट्याङ र हुरी चल्ने सम्भावना, सतर्कता अपनाउन आग्रह समय अगावै बन्यो भर्ता गाडको पक्की पुल शान्ति सेना दिवसमा नेपाली सेनाको विशेष कार्यक्रम वीरगन्ज महानगरका मेयर सिंह धरौटीमा रिहा गर्मी छल्न विद्यालयहरू धमाधम बन्द गरिँदै लालपुर्जा माग्दै १९ दिनदेखि नगरवासीद्वारा धर्ना निर्वाचन पर्यवेक्षण प्रतिवेदन अनावरण