काठमाडौं । व्यवसायीहरु दीपक भट्ट, सुलभ अग्रवाल र शेखर गोल्छाविरूद्ध विभिन्न तीन अदालतमा मुद्धा दर्ता भएको छ ।
विशेष अदालत, उच्च अदालत पाटन र जिल्ला अदालत काठमाडौंमा उनीहरुविरुद्ध छुट्टाछुट्टै मुद्दा दायर भएको हो । भट्ट, अग्रवाल र गोल्छासहित ४२ जनाविरूद्ध बीमा ऐन–२०७९ अन्तर्गत आर्थिक हिनामिना गरेको अभियोगमा मुद्धा दायर गरिएको छ ।
बीमा प्राधिकरणका तत्कालीन अध्यक्ष शरद ओझा र मदन दाहालविरूद्धसमेत मुद्दा दायर भएको छ ।
हिमालयन रिइन्स्योरेन्स लिमिटेडका अध्यक्ष गोल्छा सहित १० जनाविरूद्ध दुई अर्ब ७३ करोड ३३ लाख १५ हजार १६० तथा नेपाल माइक्रो इन्स्योरेन्स कम्पनीका अध्यक्ष आशिष श्रेष्ठ सहित ९ जनाविरूद्ध १६ करोड १७ लाख ५२ हजार ८७३ रुपैयाँ बिगो दाबी गरिएको छ ।
भृकुटी ब्रोकिङ कम्पनीका सन्दीप चाचान अग्रवाल, सुधा कर्ण र राजीव ठाकुर, शुलभ अग्रवालविरूद्ध ३ अर्ब ७३ करोड ८५ लाख २४ हजार २२७ रुपैयाँ तथा भट्टसँग दुई अर्ब ८९ करोड २० लाख ४८ हजार ८३९ रुपैयाँ बिगो माग दाबी भएको छ ।
धितोपत्र सम्बन्धी ऐन–२०६३ अनुसारको कसुरमा ती तीन व्यापारीसहित ८१ जना प्रतिवादीविरुद्ध काठमाडौं जिल्ला अदालतमा दायर भएको हो ।
उच्च अदालत पाटनमा भट्ट, शंकर अग्रवाल तथा उनका दुई छोरा शाहिल र शुलभ अग्रवालविरूद्ध बैंकिङ कसुरमा मुद्दा दायर गरेको छ । उनीहरुलाई ४२ करोड १४ लाख ८८ हजार ८ सय ७ रुपैयाँ बिगो तोकिएको छ ।
सम्बन्धित समाचार
राज्यसत्ताको चरित्र र आचरणमा बदलाब ल्याउनुपर्छः राष्ट्रपति पौडेल
८ घण्टाभित्र बाटो नबनाए वडाध्यक्षलाई बलात्कारको धम्की !
संसदमा रमिता छ !
रास्वपा सभापति रवि र भाजपाका राष्ट्रिय अध्यक्ष नवीनसँग भेटवार्ता
पूर्वसञ्चारमन्त्री खरेलसहित उच्च अधिकारीविरुद्ध अख्तियारमा उजुरी
अनुसन्धानको दायरामा ५० हजार तर विवरण भर्ने जम्मा ६ सय
‘आइतबारको बिदा खारेज गर्न लागिएको होइन’
रास्वपा जिल्ला अधिवेशन : छपन्न जिल्लामा सम्पन्न, १२ जिल्ला निर्वाचनको चरणमा
