खोटाङ । बैंकिङ कसुर गरेको आरोपमा फरार रहेका खोटाङको हलेसी तुवाचुङ नगरपालिका–२ डिकुवा निवासी २७ वर्षीय सरोज राईलाई प्रहरीले पक्राउ गरेको छ । रामेछापको मन्थलीमा दर्ता भएको किटानी जाहेरीको आधारमा इलाका प्रहरी कार्यालय हलेसीबाट खटिएको प्रहरी टोलीले सरोजलाई पक्राउ गरेको हो ।

जिल्ला प्रहरी कार्यालय खोटाङका सूचना अधिकारी प्रहरी निरीक्षक निराजन बस्नेतका अनुसार, मुद्दा दर्ता भएपछि लुकिछिपी बसेका सरोजलाई डिकुवास्थित दाम्लीबाट बुधबार पक्राउ गरिएको थियो । पक्राउ परेका सरोजलाई जिल्ला प्रहरी कार्यालय रामेछाप पठाइएको प्रहरीले जनाएको छ ।

किटानी जाहेरी अनुसार सरोजसहित तीन जनाले मिलेमतोमा वित्तीय संस्थामा बचतकर्ताले जम्मा गरेको ७२ लाख ३७ हजार ३३५ ठगी गरेका छन् । उनीहरूले काभ्रेपलाञ्चोक जिल्लाको बनेपा नगरपालिका–१४ साँगामा सञ्चालित सामुदायिक लघुवित्त वित्तीय संस्था लिमिटेडको केन्द्रीय कार्यालयको रकम सङ्गठित रूपमा हिनामिना गरेको आरोप लागेको छ ।

वित्तीय संस्थाकी प्रमुख कार्यकारी अधिकृत बेलुमाया मगरको तर्फबाट सरोजसहित तीन व्यक्तिविरुद्ध प्रहरीमा किटानी जाहेरी दर्ता भएको थियो । सरोज पक्राउ परे पनि बाँकी दुई जना अझै फरार रहेका प्रहरीले जनाएको छ ।

सम्बन्धित समाचार

माम्खामा ग्याबिन पर्खाल भासिँदा छ घर जोखिममा भीषण वर्षापछि आएको बाढीले मध्यपहाडी लोकमार्ग अवरुद्ध आइतबारको बिदा हटाउने तयारीमा कोसी सरकार रास्वपा धनकुटामा सर्वसम्बत, अध्यक्षमा भुवन थापा पशु चौपाया गुमाएका परिवारलाई राहत दिइने समस्या सुन्दै, समाधानको पहल गर्दै घरदैलोमा सासंद आचार्य सुन्दरहरैचामा एन प्याब्सनद्वारा नगरस्तरीय पेन्सिल स्केच कार्यशाला सम्पन्न हेटौँडामा बक्यौता नतिर्ने उद्योगको विद्युत् आज पनि काटिने