मुम्बई । दक्षिण भारतीय अभिनेता थलापति विजय गत महिना नै तमिलनाडुको मुख्यमन्त्री बनिसके । अहिले उनी चलचित्र अभिनयबाट टाढा छन् । उनी तमिलनाडुको बागडोर सम्हाल्न व्यस्त छन् । उनले अनिश्चित कालको लागि चलचित्र अभिनयबाट संन्यास लिए पनि अझै तमिल चलचित्रमा सर्वाधिक पारिश्रमिक लिने सूचीमा उनी नै अग्रपंक्तीमा रहेका छन् ।

सन २०२५ मा तमिल चलचित्रबाट सबैभन्दा बढी पारिश्रमिक लिने अभिनेताको सूचीमा थलापति विजयको नाम अग्रपंक्तिमा रहेको छ । रिपोर्टहरू अनुसार, उनले सन २०२५ मा रिलिज भएका चलचित्रहरूबाट प्रति चलचित्र २०० करोड देखि २५० करोडसम्म पारिश्रमिक लिएका छन् । उनको यो रेकर्ड अझै दक्षिण भारतका अरू अभिनेताहरूले तोडेका छैनन् ।

अभिनेता विजयले सम्बन्धित चलचित्रको पारिश्रमिक र शेयर दुवै मिलाएर यति धेरै रकम लिने गरेका हुन् । उनको लगातार हिट चलचित्रहरू र फ्रान्चाइजी चलचित्रहरूको सफलताले पनि विजयलाई उद्योगको सबै भन्दा बढी पारिश्रमिक लिने अभिनेताको सूचीमा राखिएको छ । उनको पछिल्लो चलचित्र ‘द ग्रेटेस्ट अफ अल टाइम’ (गोट) यो स्थानलाई अझ बलियो बनाएको छ । यस्तै ‘लियो’, ‘वारिसु’, ‘बीस्ट’, ‘मास्टर’, ‘बिगिल’, ‘सरकार’ र ‘मेर्सल’ जस्ता सुपर हिट चलचित्रका कारण पनि विजय सबै भन्दा बढी कमाउने तमिल चलचित्र अभिनेताको सूचीमा छन् । हुन त उमेर र चर्चाको हिसाबले तमिल चलचित्रमा रजनीकान्त सुपरस्टारको रूपमा परिचित छन् । तर सन २०२५ मा, उनले प्रति चलचित्रबाट पारिश्रमिक र शेयर गरेर ११० देखि २१० करोड रुपैयाँसम्म प्राप्त गरेका छन् । अहिलेको अवस्था हेर्दा सन २०२६ को सूचीमा पहिलो स्थानमा रजनीकान्त पर्ने अवस्था अझै छ । चलचित्र ‘२.०’बाट उनको पारिश्रमिक शेयर सहित १०० करोड पुगेको हो । त्यसपछि ‘जेलर’, ‘कुली’, ‘कवाली’, ‘एन्थिरन’, ‘वेट्टाय्यान’, र ‘पेट्टा’ जस्ता चलचित्रबाट उनले ११० करोडे देखि २१० करोडसम्म प्राप्त गरेका छन् ।

अर्का तमिल सुपरस्टार कमल हासनको पारिश्रमिक अवस्था थलापति विजय र रजनीकान्त भन्दा निकै पछाडि छ । आफ्नो पछिल्लो चलचित्र ‘विक्रम’ को उच्च सफलता पछि उनले आफ्नो पारिश्रमिक (शेयर) सहित प्रति चलचित्र १५० करोड पु¥याएका छन् । त्यसअघि उनले प्रति चलचित्र करिब १०० करोडसम्म शेयरसहितको पारिश्रमिक लिन्थे । तमिल अभिनेताहरूमध्ये यसरी कमाइको हिसाबले तेस्रो स्थानमा कमल हासन रहेका छन् ।

तमिल अभिनेतामा अहिले पनि अजित कुमार पारिश्रमिकको हिसाबले चौथो स्थानमा छन् । उनले प्रति चलचित्र १०० देखि १२० करोड रुपैयाँसम्म पारिश्रमिक लिने गरेका छन् । संख्याको हिसाबले अहिले पनि धेरै तमिल चलचित्रमा काम गर्नेमा उनी नै अग्रपंक्तिमा छन् । ‘विधमुयाच्र्य’, ‘गुड ब्याड अग्ली’ जस्ता चलचित्रबाट उनले १०० करोड भन्दा माथि पारिश्रमिक लिएका छन् ।
तमिल चलचित्र अभिनेतामा पारिश्रमिकको हिसाबले पाँचौँ स्थानमा शिवकार्तिकेयन छन् । २०२५ मा उनको प्रति चलचित्र ३५ करोड देखि ५० करोड रुपैयाँ (शेयरसहित) लिएका छन् । ‘अमरन’ को सफलता पछि उनले आफ्नो पारिश्रमिक ५० करोडसम्म पु¥याएका हुन् ।

सम्बन्धित समाचार

‘टोलटोलमा फिल्म महोत्सव’ गर्दै काठमाडौँ महानगर काठमाडौंमा हिमालयन रिम फिल्म प्रदर्शनी सुरु ‘मुटु फलाम भएर’ कविता कृति लोकार्पण अन्तर्राष्ट्रिय बजारमा चलचित्र ‘पेन्सन पट्टा’ आफ्नै चलचित्रको टिकट किनेर दर्शक खोज्न बाध्य निर्माता क्रिटिक्स अवार्ड विजेतामा हरिवंशदेखि मीन भामसम्म ‘हली’ टिजरमा महिनावारी पीडा विदेशमा नेपाली चलचित्रको कमाई स्वदेश भित्राउन चोर बाटो